LETËR E HAPME/ Ejani në dialog të më dëgjoni si flas, ndryshe ju preva bursat, ju kalba në burg. Ju lutem!

 Kliko këtu për të tjera
Voxpress:

Lista Studentore fiton zgjedhjet në Serbi, Vuçiç pranon humbjen

25 October 2026, 21:51Kosova&Bota SHKRUAR NGA REDAKSIA VOX

Lista Studentore fiton zgjedhjet në Serbi, Vuçiç pranon

Kandidati i Partisë Përparimtare Serbe (SNS) për kryeministër dhe ish-presidenti i Serbisë, Aleksandar Vuçiç, pranoi humbjen e listës së tij në zgjedhjet e parakohshme parlamentare.

Vuçiç tha se Lista Studentore ka fituar zgjedhjet në Serbi, duke pranuar kështu humbjen.

“Ne nuk i kemi rezultatet përfundimtare. Shumëkush do të habitet dhe do ta kuptoni se sa shumë kanë gënjyer disa dhe çfarë kanë shpikur. Dua t’ju informoj se, bazuar në kampionin e shtresëzuar, është e qartë se ne i kemi humbur këto zgjedhje. Fitoren e ka siguruar lista e bllokadës studentore, e cila do të ketë nga 135 deri në 140 mandate, ndërsa ne rreth 105. Asnjë subjekt tjetër nuk ka hyrë në parlament", tha Vuçiç.

"Në fund, po, hungarezët e Vojvodinës kanë fituar 3 mandate, ndërsa shqiptarët një mandat, dhe e kam fjalën për SDA-në. Mos më merrni për fjalë. Sipas kampionit, ne kemi rreth 1 milion e 720 mijë vota, por kjo shifër nuk ka fare rëndësi në këtë moment. Ata kanë rreth 2 milionë e 200 mijë vota”, deklaroi Vuçiç.

Partia Përparimtare Serbe e Vuçiçit ishte në pushtet që nga viti 2012, duke dominuar politikën serbe për më shumë se një dekadë.

Rezultati i paralajmëruar shënon një goditje të madhe politike për Vuçiçin dhe partinë e tij, ndërsa Lista Studentore pritet të shndërrojë mbështetjen e krijuar nga protestat në një fitore të rëndësishme parlamentare.

Lista studentore që pritet të fitojë më së shumti mandate në Serbi është një lëvizje politike e krijuar nga protestat studentore kundër korrupsionit dhe qeverisjes së Vuçiçit. Lista përfshin profesorë universitarë, ekspertë, sportistë, artistë dhe përfaqësues të profesioneve të ndryshme. Ajo udhëhiqet nga kardiologu dhe profesori universitar Ilija Srdanoviç.

 

 


Në përputhje me standarded JTI

Video

SHIKO KANALIN NE YOUTUBE
×