ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Kush është e dashura e Putinit që Perëndimi ka frikë ta sanksionojnë

6 May 2022, 20:45Fokus SHKRUAR NGA REDAKSIA VOX

Kush është e dashura e Putinit që Perëndimi ka frikë ta

Rusia është tashmë nën sanksione të paprecedenta dhe tani BE-ja mund të synojë Alina Kabaeva, një politikane, shefe mediash, ish-gjimnaste olimpike dhe nëse thashethemet mediatike brenda dhe jashtë Rusisë janë të vërteta e dashura e Vladimir Putin dhe nënë e disa fëmijëve me të.

Sanksionet e vendosura nga Perëndimi janë konceptuar për të ndëshkuar ata që janë më të afërt me Putinin, oligarkët, politikanët dhe zyrtarët e tjerë që thuhet se kanë përfituar nga afërsia e tyre me presidentin rus.

Muajin e kaluar, SHBA dhe Britania e Madhe vendosën sanksione ndaj vajzave të tij Maria Vorontsova, 36 vjeç dhe Katerina Tikhonova, 35. Ato janë fëmijët e tij me ish-bashkëshorten Lyudmila.

Deri më tani Kabaeva u ka shpëtuar sanksioneve, pavarësisht afërsisë që ka me Putinin. Një peticion në internet në mars kërkonte dëbimin e saj nga rezidenca ku jeton në Zvicër.

Kush është e dashura e Putinit që Perëndimi ka frikë ta

Burime kanë konfirmuar për BBC se ajo është në listën e fundit të individëve që do të sanksionohen nga Bashkimi Europian. Sipas AFP, ajo do të jetë në shënjestër për rolin në shpërndarjen e propagandës së Kremlinit dhe për "lidhjen e ngushtë" me presidentin 69-vjeçar Putin. Draft dokumenti nuk e emëron atë si partneren e tij dhe BE-ja ende nuk e ka nënshkruar zyrtarisht propozimin.

Udhëheqësi rus ka qenë gjithmonë shumë diskret sa i takon jetës private. Kur është pyetur për jetën e tij private, ai ka shmangur përgjigjet. Megjithatë, ai ka mohuar në mënyrë eksplicite një lidhje me Kabaevan.

Në vitin 2008, gazeta Korrespondent Moskovsky raportoi se ai po planifikonte të divorcohej nga gruaja e tij Lyudmila dhe të martohej me Kabaevan. Të dy e hodhën poshtë historinë. Menjëherë pas kësaj, autoritetet mbyllën gazetën. Putin dhe Lyudmila do të njoftonin ndarjen e tyre pesë vjet më vonë.

Në kohën kur Presidenti rus mohonte se ai kishte lidhje me Kabaeva, ajo po kalonte nga një karrierë e suksesshme sportive në një karrierë edhe më të suksesshme në politikë. Kabaeva, në kulmin e saj si gjimnaste pretendon se ka qenë më e mira në botë.

Kush është e dashura e Putinit që Perëndimi ka frikë ta

E lindur në vitin 1983, ajo filloi gjimnastikën ritmike që në moshën katërvjeçare. Trajnerja e saj, Irina Viner thotë se “ajo ka kombinimin e rrallë të dy cilësive thelbësore në gjimnastikën ritmike - fleksibilitetin dhe shkathtësinë".

Kabaeva do të bëhej e njohur si "gruaja më fleksibile e Rusisë". Ajo bëri debutimin e saj ndërkombëtar në vitin 1996 dhe ishte një fituese surprizë në Kampionatin Europian 1998.

Kur u tërhoq nga sporti, ajo kishte fituar 18 medalje të Kampionatit Botëror dhe 25 medalje të Kampionatit Europian në krye të çmimeve të saj olimpike. Ashtu si atletet e tjera ruse, ajo nuk i ka shpëtuar dopingut, duke humbur medaljet e saj në një event në vitin 2001, pasi rezultoi pozitive për një substancë të ndaluar.

Ajo u zhvendos në politikë, duke mbajtur një vend në dhomën e ulët të parlamentit të Rusisë nga 2007-2014 me partinë në pushtet Rusia e Bashkuar. Në vitin 2014 ajo u bë kryetare e Grupit Kombëtar të Medias, i cili ka aksione të mëdha në pothuajse të gjitha mediat kryesore shtetërore ruse.

Media të tilla kanë përcjellë mesazhe pro-Kremlinit për luftën në Ukrainë, duke akuzuar ukrainasit për bombardimin e qyteteve të tyre dhe duke i paraqitur trupat ruse si çlirimtare. Pozicioni i saj thuhet se e ka bërë atë një grua të pasur, me dokumente të zbuluara që sugjerojnë se ajo fiton rreth 12 milion dollarë në vit.

Nuk dihet kur ajo dhe Putin u takuan për herë të parë, por nuk është e pazakontë që një sportiste olimpike të takojë presidentin e një vendi. Është një foto e çiftit që në vitin 2001, kur Putin i dha asaj Urdhrin e Miqësisë, një nder i lartë shtetëror.

Ka zëra se ata kanë disa fëmijë së bashku, ndonëse numrin e saktë asnjë s’e di. Një gazetë zvicerane raportoi se zonja Kabaeva kishte një djalë në vitin 2015 në një klinikë ekskluzive pranë liqenit të Luganos dhe një djalë tjetër në të njëjtin vend në vitin 2019. Por, Sunday Times dhe Wall Street Journal thanë se ajo kishte binjakë në 2019 në Moskë.

Kremlini mohon raporte të tilla. Në vitin 2015, zëdhënësi i Putinit tha se "informacioni për lindjen e një foshnjeje të babait të Vladimir Putin nuk korrespondon me realitetin". I tillë është imazhi i Putin në publik, ai kurrë nuk i ka përmendur emrat e fëmijëve që ka me Lyudmila, përveçse të thotë se ka dy vajza të rritura.

Kush është e dashura e Putinit që Perëndimi ka frikë ta

Kabaeva ka qenë brenda dhe jashtë vëmendjes që kur dolën raportet për marrëdhënien e saj me Putin.

Ishte një kopertinë e Vogue në vitin 2011, ku ajo kishte veshur një fustan të shtrenjtë ari nga shtëpia franceze e modës Balmain. Ajo ishte gjithashtu një mbajtëse e pishtarit në Lojërat Olimpike Dimërore 2014 në Soçi.

Kohët e fundit ajo u shfaq në një festival të gjimnastikës në Moskë, duke hedhur poshtë sugjerimet që ajo po fshihet. Atje, ajo vlerësoi përpjekjet e Rusisë në luftën në Ukrainë.

Që nga fillimi i luftës në Ukrainë, ka pasur thirrje që ajo të përballet me sanksione. Wall Street Journal ka sugjeruar se SHBA-ja heziton të sanksionojë Kabaeva, nga frika se mund të konsiderohet "një goditje shumë personale" për Putinin saqë mund të përshkallëzojë më tej tensionet.

Megjithatë, mund të mos jetë fare jashtë tryezës. Kur Shtëpia e Bardhë u pyet në prill se pse ajo nuk ishte në listën e të sanksionuarve, sekretari i shtypit u përgjigj "askush nuk është i sigurt".

Galeria fotografike (
)


Në përputhje me standarded JTI

Video

SHIKO KANALIN NE YOUTUBE
×