ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Qeveria do krijojë Fondin Kombëtar të Tërmeteve dhe arka e saj do mbushet me sigurimet e detyrueshme të banesave

7 August 2023, 17:33Politikë SHKRUAR NGA REDAKSIA VOX
Qeveria do krijojë Fondin Kombëtar të Tërmeteve dhe arka e
Dëmet nga tërmeti i 2019 në Durrës

Qeveria ka gati projektligjin për sigurimin e detyrueshëm të banesave, qoftë atyre të përfunduara, me qira apo në proces legalizimi, për mbrojtjen nga dëmet e tërmetit.

Projektligji është nxjerrë tashmë për konsultim, dhe me gjasë shumë shpejt do të jetë para deputetëve për ta votuar në parlament.

Projektligji është hartuar nga Ministria e Financave dhe AMF për adresimin e ndikimit social dhe fiskal të tërmetit, duke u bazuar në eskperienca të vendeve si Filipinet, Turqia dhe Rumania.

“Sigurimi i detyrueshëm i banesave nga tërmetet zbatohet për llojet e mëposhtme të pronave të paluajtshme: banesa; seksionet që ndodhen brenda banesave që përdoren si njësi shitje, zyra apo për qëllime të ngjashme. Nuk zbatohet për ndërtesat të cilat përbëhen nga argjile/qerpiç, strukturë me fibër - kallami ose të ngjashme; ndërtesa me vendosje të lëvizshme ose të përkohshme.

Detyrimin për sigurimin nga tërmetet e kanë edhe subjektet e banesave sociale me qira, përfshirë banesat në proces legalizimi, si edhe njësitë e vetqeverisjes vendore, të cilët financojnë primin nga buxheti i tyre", thuhet ndër të tjera në projektligj.

Në nenin 5 të ligjit thuhet se pronat detyrohen të sigurohen nga tërmet çdo vit, ku përfshihen banesat sociale me qira, përfshirë ato në proces legalizimi, si edhe njësitë e vetëqeverisjes vendore.

Fondi Kombëtar për Tërmetet është përgjegjës për:
a) shitjen e policave të sigurimit;
b) administrimin e primeve të sigurimit të detyrueshëm nga tërmetet;
c) krijimin e përfitimeve nga investimi i të ardhurave nga policat e sigurimit;
d) risigurimin e primit;
e) trajtimin dhe pagesën e dëmeve që mbulohen nga polica e sigurimit të detyrueshëm nga tërmetet;

Ky projekt-ligj, siç shpjegohet në relacionin shoqërues, vjen si nevojë e adresimit të ndikimit social dhe fiskal të tërmeteve, e për të siguruar fondet e nevojshme për rindërtimin e banesave, nisur nga tërmeti shkatërrues I 2019, që preku 200.000 njerëz në 11 bashki, përfshirë Tiranën dhe Durrësin dhe duke shkaktuar një ndikim të konsiderueshëm ekonomik të vlerësuar në 7.5 për qind të Prodhimit të Brendshëm Bruto.


Në përputhje me standarded JTI

Video

SHIKO KANALIN NE YOUTUBE
×