ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Krasniqi: Kosova ka nevojë për një qeveri të re

14 July 2023, 15:49Kosova&Bota SHKRUAR NGA REDAKSIA VOX
Krasniqi: Kosova ka nevojë për një qeveri të re
Kreu i PDK-së gjatë vizitës në Francë

Kryetari i Partisë Demokratike të Kosovës, Memli Krasniqi është shprehur se Kosova ka nevojë për një qeveri të re.

Deklaratën, ai e bëri gjatë një vizite në Paris të Francës ku ka zhvilluar disa takime në Senatin francez, në parlamentin dhe në Ministrinë e Punëve të Jashtme franceze.

“Në Senat, pata nderin të pritem dhe të diskutoj me senatoren Laure Darcos, përgjegjëse për Kosovën në grupin e miqësisë Francë – Ballkan, ndërkaq, në Parlament takova deputetin Jean-Philippe Ardouin, udhëheqës i grupit të miqësisë Francë – Kosovë”, shkruan ai në Facebook.

Kreu i PDK-së tha se me Kabinetin e Ministrit të Punëve të Jashtme të Francës, ku është takuar me Adrien Frier, “diskutuam për zhvillimet e fundit politike në Kosovë dhe qëndrimet e PDK-së në raport me to”.

Sipas tij, qasja e qeverisë së Kosovës me aleatët “është e papranueshme, e gabuar dhe si e tillë po e vë në rrezik edhe sigurinë dhe të ardhmen e vendit tonë”.

“Prandaj, sot, Kosova ka nevojë për një Qeveri të re, me qasje ndryshe, dhe e cila kthen në binarë rrugëtimin e shtetit tonë drejt integrimit euro-atlantik dhe kursit pro-perëndimor”, tha ai.


Në përputhje me standarded JTI

Video

SHIKO KANALIN NE YOUTUBE
×