ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Transportonin emigrantë të paligjshëm me “Range Rover”-a, arrestohet 27-vjeçari shkodran!

2 May 2023, 15:50Aktualitet SHKRUAR NGA REDAKSIA VOX

Transportonin emigrantë të paligjshëm me “Range

Nikolin Kolovata ka rënë në pranga nga policia e Himarës ndërsa Alfred Bala është shpallur në kërkim pasi transportonin emigrantë të paligjshëm në këmbim të parave. Ata përdonin makina luksi tip ‘Range Rover’ për të mos të rënë në sy.

Dy të rinjtë po transportonin 8 emigrantë me 2 mjetet e tyre dhe sapo konstatuan se po ndiqeshin u larguan.

2 automjetet u sekuestruan në cilësinë e provës materiale. Vijojnë hetimet për dokumentimin e plotë të kësaj veprimtarie kriminale, identifikimin dhe kapjen e shtetasve të tjerë të përfshirë në të.

Njoftim:

Shërbimet e Policisë Kufitare Vlorë, në bashkëpunim me Forcën Speciale “Delta” dhe Seksionin për Hetimin e Trafiqeve dhe Narkotikëve në DVP Vlorë, kanë finalizuar operacionin policor të koduar “Border 6”, për goditjen e një tjetër rasti të kësaj veprimtarie të kundërligjshme.

Si rezultat i këtij operacioni u arrestua në flagrancë shtetasi N. K., 27 vjeç, banues në Shkodër, si dhe u shpall në kërkim bashkëpunëtori i tij, shtetasi A. B., 32 vjeç, banues në Shkodër.

Gjatë operacionit, në fshatin Lukovë, Himarë, shërbimet e Policisë, bazuar në informacionet e siguruara nga inteligjenca informative se me dy automjete “Range Rover” po transportoheshin emigrantë, janë vënë në ndjekje të tyre. Sapo kanë konstatuar se po ndiqeshin nga Policia, drejtuesit e automjeteve, shtetasit N. K. dhe A. B. janë larguar me shpejtësi, duke mos iu bindur urdhrit të punonjësve të Policisë, për të ndaluar.

Shtetasi N. K. ka tentuar t’i shmanget përgjegjësisë ligjore, duke zbritur nga automjeti emigrantët që po transportonte, por është kapur dhe prangosur nga shërbimet e Policisë. Shtetasi A. B. ka braktisur automjetin me të cilin po transportonte pjesën tjetër të emigrantëve dhe duke përfituar nga terreni i vështirë është larguar me shpejtësi në këmbë, ndërsa vijon puna për kapjen e tij.

Sakaq, 2 automjetet u sekuestruan në cilësinë e provës materiale.

Policia bën me dije se hetimet vijojnë për dokumentimin e plotë të kësaj veprimtarie kriminale, identifikimin dhe kapjen e shtetasve të tjerë të përfshirë në të.


Në përputhje me standarded JTI

Video

SHIKO KANALIN NE YOUTUBE
×