ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Shkatërrohet grupi i grabitësve në Kosovë, tre prej tyre punonjës në Policinë e Shtetit

26 February 2022, 11:44Aktualitet SHKRUAR NGA REDAKSIA VOX

Shkatërrohet grupi i grabitësve në Kosovë, tre prej tyre

Policia e Tiranë dhe Agjencia e Mbikëqyrjes Policore dhanë më shumë detaje në lidhje me operacionin që çoi në arrestimin e një grupi personash që akuzohet për vjedhje të shumëfishta në Kosovë.

Anëtare e këtij grupi ishte dhe një punonjëse e Forcave Operacionale të Policisë së Shtetit.

Policia thotë se në operacionin e koduar “Nacional” në pranga kanë rënë në total shtatë persona dhe një tjetër është shpallur në kërkim. Tre prej të arrestuarve janë punonjës të policisë shqiptare.

Të arrestuarit janë shtetasit:

- S. Sh., 31 vjeç, banues në Tiranë, i dënuar më parë, arrestuar në flagrancë për veprat penale "Trafikimi i mjeteve motorike" dhe "Grupi i strukturuar kriminal";

- N. Sh., 24 vjeç, banues në Tiranë, arrestuar në flagrancë për veprat penale "Trafikimi i mjeteve motorike" dhe "Grupi i strukturuar kriminal";

- E. C., 24 vjeç, A. Sh., 25 vjeç, të dy banues në Kamzë, arrestuar në flagrancë për veprat penale "Trafikimi i mjeteve motorike" dhe "Grupi i strukturuar kriminal";

- V. D., 29 vjeçe, punonjëse Policie në strukturat operacionale të Policisë së Shtetit dhe E. A., 24 vjeç, punonjës policie në DVP Kukës, arrestuar në flagrancë për veprat penale "Trafikimi i mjeteve motorike" dhe "Grupi i strukturuar kriminal";

- F. B., 38 vjeç, banues në Kukës, me detyrë punonjës Policie në DVP Kukës, arrestuar në flagrancë për veprën penale "Shpërdorimi i detyrës".

Shtetasi S. Sh., i cili sipas policisë ishte në rolin e drejtuesit, në bashkëpunim me lidhje të tij familjare dhe shoqërore, kishte krijuar një rrjet personash që funksiononin si një grup i strukturuar kriminal, dhe trafikonin mjete motorike të vjedhura, nga Kosova në drejtim të Shqipërisë.

Shtetasi N. Sh., nëpërmjet lidhjeve të tij shoqërore në Kosovë, siguronte automjetet e vjedhura në këtë shtet. Trafikimi i këtyre mjeteve bëhej nëpërmjet PKK Morinë, dhe kalimin e tyre, e kryente shtetasi F. B., me detyrë punonjës Policie në stacionin e Policisë Kufitare Morinë, i cili nuk i regjistronte mjetet motorike që kalonin.

Në vijim të veprimeve u shpall në kërkim bashkëpunëtori i tyre, shtetasi J. Sh., 30 vjeç. Në cilësinë e provës materiale u sekuestruan 4 mjete, një shumë parash dhe 6 aparate celulare.

Policia thotë se po vijon puna në bashkëpunim me autoritetet Policore të Kosovës, për identifikimin dhe kapjen e shtetasve të tjerë të implikuar në këtë veprimtari kriminale.

 


Në përputhje me standarded JTI

Video

SHIKO KANALIN NE YOUTUBE
×