KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Kompania gënjeu, Belgjika mbyll fabrikën e çokollata Kinder

8 April 2022, 18:15Aktualitet SHKRUAR NGA REDAKSIA VOX

Kompania gënjeu, Belgjika mbyll fabrikën e çokollata Kinder

Autoritetet belge kanë ndaluar prodhimin e çokollatës Kinder në një fabrikë në jug të vendit, duke thënë se kompania mëmë Ferrero i ka dhënë asaj "informacion jo të plotë" në lidhje me një shpërthim të fundit të helmimit nga salmonela në Europë.

Agjencia belge e sigurisë ushqimore (FASFC) tërhoqi autorizimin e saj për uzinën e Ferrero-s në Arlon të premten dhe urdhëroi tërheqjen e të gjitha produkteve nga reklamimi dhe tregu.

“Me efekt të menjëhershëm, i gjithë prodhimi i Kinder Surprise, Kinder Mini Eggs, Kinder Surprise Maxi 100g dhe Kinder Schokobons të prodhuara në Arlon po tërhiqet”, tha Ferrero në një deklaratë.

Kompania italiane kishte tërhequr tashmë disa nga produktet e saj të çokollatës Kinder në prag të Pashkëve, pasi ato ishin të lidhura me infeksionet e salmonelës në një numër vendesh evropiane.

Gjithçka filloi me një rast të salmonelës të identifikuar në Britaninë e Madhe në janar. Tani, Agjencia Europiane e Sigurisë Ushqimore (EFSA) dhe Qendra Evropiane për Parandalimin dhe Kontrollin e Sëmundjeve (ECDC) thonë se që nga 5 prilli, janë identifikuar të paktën 134 raste, kryesisht te fëmijët, në të paktën shtatë vende.

Kinder është vetëm një kompani e prekur nga tërheqjet e ditëve të fundit për shkak të shpërthimeve të helmimit nga ushqimi në të gjithë Europën. Grupet e mbrojtjes së konsumatorit thonë se shqetësimet shëndetësore nxjerrin në pah një sistem të dobët të kontrolleve të sigurisë në të gjithë industrinë që duhet të rishikohet.

Buitoni, në pronësi të Nestlé, ka tërhequr të gjithë gamën e saj të picave të ngrira Fraîch'Up, dhe Lactalis ka tërhequr dhjetëra mijëra djathëra të saj, pasi produktet dyshoheshin se mbanin përkatësisht bakteret E.coli dhe listeria.

Ndërkohë, tërheqja e një sasie çokollatash Kinder Surprise u njoftua edhe nga Autoriteti Kombëtar i Ushqimit në vendin tonë.


Në përputhje me standarded JTI

Video

SHIKO KANALIN NE YOUTUBE
×