ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

GJKKO 'shpëton' Rezart Taçin pezullon hetimet, në 'rrjet ngec' kunati i tij (Emri)

8 December 2022, 15:43Aktualitet SHKRUAR NGA REDAKSIA VOX
GJKKO 'shpëton' Rezart Taçin pezullon hetimet, në
Në foto: Rezart Taçi

Gjykata e Posaçme ka pezulluar me një vit çështjen ndaj Rezart Taçit, i cili u dërgua si i pandehur nga SPAK për akuzën e pastrimit të parave.

Çështja ndaj tij u veçua pasi Taçi, vijon të jetë ende në kërkim nga autoritetet, ndërsa seancat gjyqësore do vijojnë për dy të pandehurit e tjerë Bledar Lilon dhe Artur Ballën.

SPAK mbylli hetimet për këtë çështje më 28 tetor, ku ndaj tre të pandehurve ngrit akuzat e “Pastrimit të produkteve të veprës penale ose veprimtarisë kriminale”, “Grupi i strukturuar kriminal”, “Kryerja e veprave nga grupi i strukturuar kriminal”.

Gjykata, pezulloi procesin ndaj biznesmenit, ndërsa të pandehur u morën Lilo e Balla, për tu përballur me akuzat e lartpërmendura.

Si funksiononte skema?

SPAK deklaron se nga hetimet e nisura këtë vit në bashkëpunim me autoritetet italiane kanë zbuluar organizimin dhe funksionimin e një operacioni kompleks financiar ndërkombëtar të kundërligjshëm, të shtrirë në disa shtete të ndryshme, që ka pasur si qëllim “pastrimin” e një shume monetare të konsiderueshme që përbën produkt të veprimtarisë kriminale.

Skema financiare është drejtuar nga dy italianët Francesco Zummo dhe I.Z., në bashkëpunim me një tjetër italian Fabio Petruzzella të zviceranit me origjinë italiane Daniele Castagalli si dhe të biznesmenit shqiptar Rezart Taçi i përfshirë në biznese në sektorin e naftës. SPAK thotë se Taçi në funksion të kryerjes së kësaj veprimtarie ka angazhuar dy bashkëpunëtorët e tij shqiptarë, Artur Balla dhe Bledar Lilo.

Po cili ishte qëllimi?

Pjesë e kësaj skeme financiare, me ndihmën e shqiptarëve të përfshirë, ka qenë edhe kryerja e disa veprimeve dhe transaksioneve bankare në një bankë të nivelit të dytë në Shqipëri, veprime të cilat janë realizuar vetëm pjesërisht sipas SPAK-ut dhe nuk është arritur që të realizohen plotësisht.

Po sipas SPAK-ut gjatë hetimeve janë mbledhur prova se ndihma në këtë rast për transferimin dhe fshehjen e shumës monetare është bërë kundrejt premtimit për marrjen e përqindjes së caktuar të përfitimit monetar, në raport me shumën monetare që është transferuar në Shqipëri dhe që do të vijonte të transferohej në vende të tjera.


Në përputhje me standarded JTI

Video

SHIKO KANALIN NE YOUTUBE
×