KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Blatter sëmuret, shtyhet gjyqi për mashtrim i ish-kreut të FIFA-s e Platinisë

8 June 2022, 19:07Sport SHKRUAR NGA REDAKSIA VOX
Blatter sëmuret, shtyhet gjyqi për mashtrim i ish-kreut të FIFA-s
Sepp Blatter dhe Michel Platini

Nisja e gjyqit të Sepp Blatter dhe Michel Platini është shtyrë me një ditë pasi Blatter tha se ishte shumë i sëmurë për të dëshmuar.

Dikur njerëzit më të fuqishëm në futbollin botëror, ata tashmë po gjykohen nën akuzat e mashtrimit dhe korrupsionit.

Por, Blatter tha në një seancë gjyqësore në Zvicër se ai nuk është në gjendje të dëshmojë për shkak të dhimbjeve në gjoks.

“Dhimbja është e madhe dhe unë kam vështirësi në frymëmarrje”, tha 86-vjeçari para gjykatësit.

Gjyqtarët në Gjykatën Penale Federale në Bellinzona lejuan Blatterin, ish-presidentin e organit qeverisës të futbollit botëror, FIFA, të jepte dëshminë e tij të enjten.

Prokurorët zviceranë pretendojnë se një pagesë e vitit 2011 prej 2 milionë frangash zvicerane (rreth 2 mln euro) e bërë nga Blatter ndaj Platinit, ish-presidentit të UEFA, ishte e paligjshme.

Të dy mohojnë keqbërjen dhe thonë se transferimi ishte pagesë e vonuar ndaj ish-kapitenit të Francës, Platini, 66 vjeç, për punën e tij këshilluese për FIFA-n midis viteve 1998 dhe 2002.

Dyshja u përjashtuan nga futbolli në vitin 2015 dhe u paditën në nëntor të vitit të kaluar.

Avokatët e Blatter dhe Platini nuk arritën ta zhvendosnin gjyqin në një gjykatë lokale, ose të refuzonin kërkesën civile të FIFA-s kundër tyre për të rimarrë dëmin prej 2 milionë franga zvicerane.

Gjyqi do të përfundojë më 22 qershor, ndërsa vendimi pritet më 8 korrik. Nëse shpallen fajtorë, të pandehurit mund të dënohen me burgim deri në pesë vjet, ose gjobë, përveç rikthimit të parave në fjalë.


Në përputhje me standarded JTI

Video

SHIKO KANALIN NE YOUTUBE
×