ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Berisha “merr peng” foltoren në Kuvend: Provokacion banditesk ndaj opozitës! Keni humb çdo moral e etikë (VIDEO)

30 October 2023, 17:28Politikë SHKRUAR NGA REDAKSIA VOX
Berisha “merr peng” foltoren në Kuvend: Provokacion banditesk
Ish-kryeministri Sali Berisha në Kuvend

Ish-kryeministri Sali Berisja ka bllokuar foltoren e Kuvendit, teksa seanca ka rinisur pas konfrontimit fizik mes deputetit të PD dhe kolegut të tij socialist.

Deputeti demokrat Bledion Nallbati sulmoi fizikisht deputetin e PS, Vullnet Sina, pasi ky i fundit kishte marrë fjalën për të folur.

Berisha, nga foltorja e Kuvendit, teksa ishte duke transmetuar “live” në Facebook fjalën e tij, ka akuzuar maxhorancën për situatën e shkaktuar sot në Kuvend.

“Kjo skenë që shihni ju sot, kjo skenë që përbën një provokacion të ulët, banditesk ndaj opozitës e krijon fakti sepse këta bajlozë krimi në qeveri, këta hajdutë që kanë humbur çdo normë etike, morale, ligjore na përjashtojnë ne deputetëve të opozitës nga të drejtat kushtetuese të deputetit.

Një nga të drejtat më themelore kushtetuese të deputetit në parlament është e drejta e tij së bashku me 35 deputetë të tjerë të ngrejë komision hetimor parlamentar për të bërë transparencën për problemet e mëdha që ai konsideron.

Kjo e drejtë e sanksionuar nga kushtetuta nuk mund ti mohohet askujt. Mbledhja e firmave për një komision hetimor parlamentar, është automatike ngritje e komisionit. Por kjo nuk ndodh, sepse Edi Rama i ngërthyer nga aferat e tmerrshme vjedhje dhe korrupsioni, në drogë. Këta që besojnë se mund të shkelmojnë kushtetutën, këta janë banditë, këta janë një bandë e turpshme që nuk kanë asnjë moral dhe ligj”, deklaroi Berisha.

 


Në përputhje me standarded JTI

Video

SHIKO KANALIN NE YOUTUBE
×