ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Pallati i ndërtuar pa lejë në Farkë, Qeveria i jep dy mundësi investitorit ose në të kundërt vihet nën hetim (VIDEO)

8 September 2022, 15:37Aktualitet SHKRUAR NGA REDAKSIA VOX
Pallati i ndërtuar pa lejë në Farkë, Qeveria i jep dy
Pallati i ndërtuar pa leje

Zv.kryeministrja Belinda Balluku ka inspektuar pallatin 9 katësh të ndërtuar pa leje në zonën e Farkës, i denoncuar një ditë më parë nga kryeministri Edi Rama. Ky inspektim ishte në zbatim të vendimit të qeverisë për konfiskimin e pallateve pa leje.

Balluku tha se Qeveria nuk do i konfiskojë direrkt pronën, por do i japë dy mundësi investitorit: ose ta parablejë me një çmim të indeksuar mbi çmimin real të tregut dhe paratë e përfituara do të derdhen në fondin e shpronësimeve të Unazës së Re ose mund t’i dhurojnë, që të përdoren si apartamente për strehim social apo mjedise zyrash për institucionet.

Sipas Ballukut, nëse investitori nuk pranon asnjë prej këtyre mundësive, ai do të ndiqet penalisht.

“Ndodhemi në Farkë ky është komunikimi i parë publik që ne po bëjmë sa i përket vendimit që u mor me VKM, është një VKM që ka të bëjë më ndërtimet pa leje që do të konfiskohen dhe përdorim në të mirë publikut. Ky është një shembull pse kemi zgjedhur të vijmë në Farkë dhe të zgjedhim këtë ndërtese, simbolikë e shkeljes së ligjit 7 kate mbi tokë, 9 kate ndërtim pa asnjë letër.  Ndërtuesit mund t’i parablejnë katet pa leje  me një çmim të indeksuar mbi çmimin real të tregut dhe paratë e përfituara do të derdhen në fondin e shpronësimeve të Unazës së Re ose mund t’i dhurojnë, që të përdoren si apartamente për strehim social apo mjedise zyrash për institucionet. Ndërkohë për të gjitha rastet ka edhe një gjobë për çdo metër katror dhe për rastet kur ndërtuesi nuk pranon opsionet parablerje apo dhuratë që çojnë në ligjërimin e shtesave për arsye sociale, ai ndiqet edhe penalisht sipas ligjit”, tha Balluku.


Në përputhje me standarded JTI

Video

SHIKO KANALIN NE YOUTUBE
×