Hakerat publikuan listat e sistemit "MEMEX"? Reagon Policia: Nuk janë prekur apo dëmtuar të dhëna sensitive

3 Tetor 2022, 14:56Aktualitet SHKRUAR NGA REDAKSIA VOX
Foto ilustruese

Policia e Shtetit ka reaguar pas publikimit nga ana e hakerevae iraniane të të dhënave konfidenciale të sistemit "MEMEX" të Policisë së Shtetit, ku janë të gjithë të skeduarity nga ana e uniformave blu.

Por sipas Policisë së Shtetit,  deri në këto momente, nuk janë prekur apo dëmtuar të dhëna sensitive që administrohen në këtë sistem, të cilat kanë të bëjnë me punën policore.

Në reagim thuhet se ky sistem nuk është prekur dhe se këto të dhëna nuk kanë të bëjnë fare me databazën e sistemit policor MEMEX.

Reagimi:

REAGIM I POLICISË SË SHTETIT

Nga deklarimet e bëra sot në media dhe referimet e këtyre deklarimeve, sipas të cilave janë marrë të dhëna nga sistemi MEMEX, sqarojmë opinionin publik se ky sistem nuk është prekur dhe se këto të dhëna nuk kanë të bëjnë fare me databazën e sistemit policor MEMEX.

Policia e Shtetit njofton se, deri në këto momente, nuk janë prekur apo dëmtuar të dhëna sensitive që administrohen në këtë sistem, të cilat kanë të bëjnë me punën policore.

Policia e Shtetit, në bashkëpunim të ngushtë me partnerët, po heton origjinën e rrjedhjes së këtyre të dhënave dhe apelon që, në zbatim të urdhrit të prokurorit, të datës 19.09.2022, të mos publikohen nga mediat audiovizive, të shkruara, online, në rrjete sociale apo në çdo formë të publikimit apo transferimit, të dhëna që postohen nga autorët e këtij sulmi kibernetik ndaj sistemeve dixhitale të Policisë së Shtetit.

Video