Goditja e 'MEMEX'/ Elisa Spiropali në listën e 'shqiptarëve të dyshuar' të policisë (Foto)

Hakerat iranianë kanë publikuar të dhëna të tjera të rendësishme nga sistemet qeveritare pas sulmeve të vazhdueshme që bën gjatë vitit të fundit. Bëhet fjalë për sistemin e rendësishëm të policisë, i quajtur “Memex”, në të cilin janë listuar të gjithë të kërkuarit nga Policia e Shqipërisë.

Mes mijërave fotove dhe dokumenteve me të dhëna gjendet edhe emri dhe fotoja e ministres Elisa Spiropali, si edhe të dhënat e saj, si datëlindja, vendi i lindjes, atësia dhe gjendja civile.

Siç duket edhe ne foto, policia ka një imazh të Spiropalit e viteve të fundit ndoshta gjatë kohës kur ka qenë drejtoreshë e Doganave. Duket se fotoja është e të paktën e disa viteve më parë.

Ministrja Elisa Spiropali

Nuk dihen ende arsyet pse figuron fotoja e ministres Elisa Spiropali në të dhënat e MEMEX, ndoshta ka të bëjë me akuzat që i janë bërë për drejtimin e Doganës Shqiptare.

Por ajo që nuk është e qartë a i ka patur ish-presidenti të dhënat se kjo ministre i ka të dhënat te Sistemi i Menaxhimit të Informacionit Kriminal? Kësaj pyetje duhet ti përgjigjet ish-presidenti Meta i cili e ka dekretuar për ministre dy herë në qeverinë e kryeministrit Rama. 

Në dosjet e publikuara nga “Homeland Justice” janë emrat e 105 mijë shqiptarëve që kanë probleme me drejtësinë, ndërsa në fund të çdo faqe të secilit dokument shkruhet “Albanian suspects”. Pra, “shqiptarët e dyshuar”.