ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Çela dhe Martinaj "i shpëtuan rrjetës", a u dekonspirua operacioni i SPAK-ut?

19 May 2022, 12:09Aktualitet SHKRUAR NGA REDAKSIA VOX
Çela dhe Martinaj "i shpëtuan rrjetës", a u
Foto-montazh: Ervis Martinaj dhe Suel Çela

SPAK lëshoi 32 urdhër arreste për disa prej “kokave” të krimit në Tiranë, Elbasan, Fier dhe qytete të tjera të vendit pasi u zbërthye duke treguar krimet dhe porositësit vrasësi Nuredin Dumani dhe shoku i tij Henrik Hoxhaj.

Mes emrave që janë shpallur në kërkim janë edhe dy të famshëm; Suel Çela nga Elbasani, djali i biznesmenit Petrit Çela të tregut agro-ushqimor dhe Ervis Martinaj, biznesmeni i basteve që u bë i njohur për masakrën e Bllokut në tetor 2018 me një të vdekur dhe disa të plagosur.

Operacioni i policisë vazhdon, por ende nuk ka një informacion sa janë arrestuar dhe kush prej tyre.

Pyetja që shtrohet është a është dekonspiruar operacioni, pasi si Martinaj ashtu edhe Çela i Elbasanit ende nuk janë arrestuar?

Duke qenë se nga mbrëmja e djeshme kur nisi operacioni dhe deri mesditën e sotme nuk ka asnjë informacion, dyshimet janë që Çela dhe Martinaj t’i kenë shpëtuar sërish “rrjetës”.

Kjo nuk do të ishte hera e parë që ndodh në operacione të rëndësishme.

 


Në përputhje me standarded JTI

Video

SHIKO KANALIN NE YOUTUBE
×