ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Droga kaloi nga Rinasi në Turqi, AMP merr në pyetje efektivët e turnit

17 October 2022, 21:33Aktualitet SHKRUAR NGA REDAKSIA VOX
Droga kaloi nga Rinasi në Turqi, AMP merr në pyetje efektivët e
Florenc Bicerri

Janë zbardhur detaje të reja nga hetimet mbi arrestimet në Turqi të efektivit, Florenc Bicerri, ish-komandos Kujtim Çeliku dhe Adrian Qiriçit.

Misteri vazhdon ende se si kaluan 32 kg drogë nga aeroporti i Rinasit. Mësohet se efektivët e Policisë Kufitare dhe Sigurisë së Rinasit do të merren në pyetje nga Agjencia e Mbikqyrjes Policore në lidhje mbi këto hetime.

Punonjësit e Rinasit pritet të pyeten në lidhje me mënyrën se si kanë lejuar kalimin e Bicerrit bashkë me dy valixhet e mbushura me kanabis. Nuk dihet nëse ekziston ndonjë mundësi bashkëpunimi mes efektivëve që kanë qenë në turn dhe personave të arrestuar.

Bicerri ishte larguar më datën 5 tetor dhe nuk ishte paraqitur në punë pas përfundimit të pushimit vjetor ndaj dhe ishte vënë në një hetim disiplinor. Ai u ndalua në Stamboll dhe kontrolli në aeroport zbuloi se dy valixhet që kishte marrë me vete i kishte mbushur me 31 kilogram kanabis. Pas Bicerrit, u vu në pranga Kujtim Çeliku e Adrian Qirici.

Çeliku ka kryer 5 misione paqeruajtëse të NATO-s në Afganistan dhe Irak, por në 2011, ai u arrestua për vjedhjen e 176 unazave floriri në Durrës. Hetimet vijojnë për përfshirje të personave të tjerë në trafikun e drogës.


Në përputhje me standarded JTI

Video

SHIKO KANALIN NE YOUTUBE
×