ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Artan Hoxha këmbëngul: Arben Ahmetaj është larguar nga Shqipëria, të premten ka lëvizur drejt...

10 July 2023, 21:29Aktualitet SHKRUAR NGA REDAKSIA VOX
Artan Hoxha këmbëngul: Arben Ahmetaj është larguar nga
Artan Hoxha dhe Arben Ahmetaj - Foto ilustrim

Prokuroria e Posaçme i kërkoi sot Kuvendi të Shqipërisë heqjen e imunitetit të ish-zv.kryeministrit, Arben Ahmetaj, për ta arrestuar atë për tre akuza penale.

E ndërsa avokati i ish-zv.kryeministrit deklaroi se ai ndodhej në Shqipëri, gazetari Artan Hoxha, i ftuar në emisionin "Të Paekspozuarit", këmbëngul se Ahmetaj nuk ndodhet në territorin e Shqipërisë. Sipas gazetarit, ai është larguar drejt një vendi fqinj dhe e ka kaluar kufirin ditën e premte.

"Gjatë ditës së sotme, që nga momenti kur doli lajmi se kërkesa e SPAK i është drejtuar Kuvendin për imunitetin e Ahmetajt, pyetja e parë dhe verifikimi i parë që tentuam të bënim ishte vendndodhja e zotit Ahmetaj.

Nga kontakti që kam patur sot, më rezulton që ai nuk është në Shqipëri, por këtë do ta shohim nesër, kur ai do të duhet të paraqitet në zyrat e Kuvendit, gjatë kohës që do të merret në shqyrtim

Të premten ai ka lëvizur nga Shqipëria. Është regjistruar në sistemin TIMS. Ka kaluar me pasaportë të Shqipërisë dhe ka lëvizur drejt një vendi të BE, në kufi me Shqipërinë.

Sot u tha që është brenda territorit, kam ndjekur me vëmendje, reagimin e avokatit. Kjo do të verifikohet nesër. Në rastet e mëparshme kemi parë që kur kërkesa u është drejtuar Kuvendit, ata janë paraqitur në seancë.

Nuk do të çuditesha nëse Ahmetaj nuk paraqitet. Nëse ndjekim precedentët e tjerë, të zotit Koka dhe Bllako. Zoti Koka ka dy vjet aty në burg dhe nuk është marrë asnjëherë në pyetje. Ka dy vjet brenda. Ai nuk iu fsheh arrestimit edhe pse u njoftua përpara. Ka dy vjet dhe nuk ka një vendim gjykate të shkallës së parë", deklaroi Hoxha.  

 

 


Në përputhje me standarded JTI

Video

SHIKO KANALIN NE YOUTUBE
×