KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Përveç Nevila Pjetrit, a ishte 32-vjeçari edhe vrasës i Camilla-s? Del rezultati i autopsisë

10 June 2022, 23:30Aktualitet SHKRUAR NGA REDAKSIA VOX
Përveç Nevila Pjetrit, a ishte 32-vjeçari edhe vrasës i
Viktimat dhe autori i dyshuar

Në Itali vijon të ndiqet me detaje vrasja e dyfishtë e ndodhur në Sarzana. 32-vjeçari Daniele Bedini akuzohet për vrasjen e shqiptares Nevila Pjetri, në Marinella di Sarzana, ndërsa po hetohet po ashtu për vrasjen e transeksualit Carlo Bertolotti, alias Camilla.

Ndërkohë ka dalë edhe rezultati i autopsisë së kryer në trupin e 43-vjeçarit Carlo Bertolotti. Sipas autopsisë, transi Camilla u vra me gjasë mbrëmjen e dielës me dy plumba pistolete të kalibrit të vogël, të qëlluar në pjesën e majtë të kokës. Vrasja e tij është një analogji me atë të shqiptares Nevila Pjetri, e cila u vra 24 orë më herët vetëm në 3 kilometra distancë, në zonën e Marinella di Sarzana.

Hapi i radhës tashmë është që dy gëzhojat të krahasohen me ato që u gjetën në kufomën e Nevilës. Mjeku ligjor saktësoi po ashtu se trupi i transit ishte mbuluar me shenja gërvishtje për shkak të tërheqjes së kufomës në një zonë të mbushur me gurë të vegjël e ferra.

Sa i përket kohës së vdekjes, ajo ka ndodhur mes natës të së dielës dhe të hënës, 24 orë pas vdekjes së Nevila Pjetrit.

Për vrasjen e prostitutës shqiptare pas hekura ndodhet 32-vjeçari Daniele Bedini, për të cilin autoritetet duket se kanë mundur të sigurojnë prova të rëndësishme. Sa i takon vrasjes së Camilla-s, deri më tani 32-vjeçari është nën hetim, megjithatë pas daljes së autopsisë situata mund të ndryshojë dhe i riu italian mund të vihet nën akuzë për të dyja vrasjet.


Në përputhje me standarded JTI

Video

SHIKO KANALIN NE YOUTUBE
×