KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

"21 Janari", Mustafa Nanos: Basha duhet të tregojë gjithçka, edhe nëse nuk ka bërë asgjë ai prap di

21 January 2023, 14:59Aktualitet SHKRUAR NGA REDAKSIA VOX
"21 Janari", Mustafa Nanos: Basha duhet të tregojë
Mustafa Nano

Analisti Mustafa Nano ka përkujtuar tragjedinë e 21 Janarit 2011, ku u vranë para Kryeministrisë: Ziver Veizi, Hekuran Deda, Aleks Nika dhe Faik Myrtaj. 

Përmes një postimi në rrjetet sociale, Nano shprehet se vrasja e katër protestuesve rëndon mbi Sali Berishën dhe  Lulzim Bashën, ku sipas tij këtij të fundit i kërkohet “të mos hapë gojën”.

Ai shton më tej se Lulzim Basha duhet të rrëfejë çfarë që ka ndodhur atë ditë, pasi ai di gjithëçka edhe nëse nuk është i përfshirë drejtpërtdrejt.

Analisti shkruan se pas publikimit të përgjimeve nga gazetari Artan Hoxha, SPAK-u duhet të fillojë menjëherë veprimet.

Postimi i plotë i Mustafa Nanos:

Dje, para se të dilnin në dritë përgjimet e Artan Hoxhës mbi 21 janarin, dëgjuam Berishën të fliste. Dhe Bashës, që atëmot ishte ministër i brendshëm, nuk i dha asnjë rol në atë ngjarje. “Nuk e shiti.” Dy janë shpjegimet e këtij qëndrimi. 1. Ky është një krim i të dyve, dhe në këtë pikë do jenë bashkë deri në varr. 2. I përcillet Bashës mesazhi: “armiqësia mes nesh nënkupton çdo goditje ndaj njëri-tjetrit, por me 21 janarin nuk bëhet shaka.”

Personalisht, besoj këtë të dytën. Basha ka qenë një figurinë atë ditë. Dhe po i kërkohet të mos e hapë gojën. Mirë, Basha ka një mundësi t’i bëjë një shërbim të madh vendit. Duke rrëfyer çfarë di. Sepse ai, edhe sikur të mos ketë bërë asgjë, di gjithçka.

Sidoqoftë, pas publikimit të Artan Hoxhës, SPAK-u duhet të fillojë menjëherë veprimet. Për mua është e çuditshme se si sot në mëngjes nuk lexova dot lajmin me titull: “Arrestime gjatë natës lidhur me 21 janarin”.


Në përputhje me standarded JTI

Video

SHIKO KANALIN NE YOUTUBE
×