ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

“Nëse grabiste Messin do e bënin ministër”, në Spanjë zbulojnë mbi 40 grabitje të drejtorit të ujësjellësit

13 May 2022, 18:23Sport SHKRUAR NGA REDAKSIA VOX
“Nëse grabiste Messin do e bënin ministër”, në
Messi, Benzema dhe Alfred Prodani. Foto ilustrim

Mediet spanjolle kanë nxjerrë detaje të reja në lidhje me Alfred Prodanin. Drejtori i ujësjellësit në Kurbin u arrestua pak ditë më parë nga policia shqiptare me akuzën se ka vjedhur disa vila në Spanjë, dhe njëra ndër to ishte edhe vila e futbollistit Karim Benzema, kapitenit të Real Madrid.

Sulmuesi francez u bë viktimë e sulmit më 27 shkurt 2019, teksa luante një El Clasico kundër Barcelonës në “Santiago Bernabeu”, sfidë e vlefshme për gjysmëfinalen e Kupës së Mbretit.

Benzema u lajmërua menjëherë pas ndeshjes se në shtëpinë e tij kishte ndodhur një grabitje e dhunshme. Autoritetet pretendojnë se pas kësaj ngjarjeje qëndron Prodani, i cili mbante postin e drejtorit të ujësjellësit në Kurbin.

“Ai i vjedh shtëpinë Benzemasë dhe e emërojnë drejtor. Nëse ia del të grabisë Leo Messin, e bëjnë menjëherë ministër”, komentoi plot ironi Kreshnik Spahiu.

“Arrestohet zyrtari i lartë i qeverisë shqiptare për grabitjen e shtëpisë së Benzema“, shkruan iberikja AS, teksa raporton se Prodani akuzohet se ka grabitur me dhunë edhe mbi 40 shtëpi të tjera në tokën spanjolle prej vitit 2013.

“Nëse grabiste Messin do e bënin ministër”, në

41-vjeçari u arrestua në qytetin e Laçit nga policia në një operacion të koordinuar nga Interpoli pas një hetimi nga një gjykatë spanjolle dhe tani pritet të ekstradohet në Spanjë, sipas marrëveshjes që arritën kohë më parë kryeministrat Edi Rama dhe Pedro Sanchez.

Prodani do të ekstradohet në Spanjë për t’u gjykuar së bashku me pjesën tjetër të bashkëpunëtorëve të tij të dyshuar. Mes tyre është edhe një biznesmen i njohur shqiptar emri i të cilit për momentin nuk bëhet i ditur. Shtypi vendas detajon vetëm se ai është 37 vjeç dhe ka disa kompani të rëndësishme.


Në përputhje me standarded JTI

Video

SHIKO KANALIN NE YOUTUBE
×