ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

"Ndjej keqardhje për veten që kam mbështetur Bashën", Gjekmarkaj: Në ç’mënyrë Berisha mund ta shpëtojë opozitën

5 February 2024, 22:52Politikë SHKRUAR NGA REDAKSIA VOX
"Ndjej keqardhje për veten që kam mbështetur
Agron Gjekmarkaj dhe Lulzim Basha

Agron Gjekmarkaj, nënkryetar i Kuvendit dhe deputet i PD-së tha se në emisionin "Të Paekspozuarit" se ndjen keqardhje për veten që e ka mbështetur dikur Bashën dhe sot e sheh në pozita qesharake, kur bën sikur është një politikan i ri, ndërkohë që ka 20 vite në poste të ndryshme dhe kryetar i opozitës.

“Kam një sërë ndjesish sepse unë e kam mbështetur, sepse kam mbështetur opozitën, kam dashur të bëhet kryeministër. Ndjej keqardhje për veten, kur e shoh që shfaqet në pozita qesharake, sikur erdhi dje nga hëna dhe nuk ka 20 vite që ka pushtet. Kjo është karma që i kthehet doktor Berishës. Në 2013, kur prishi garën për ta bërë Lulin kryetar, e mbajti në 2017 dhe në 2021 dhe tani është kryetar i opozitës së emëruar dhe të vogël dhe tani flet për mumje”, tha Gjekmarkaj.

Ai tha më tej se ka qenë i pari që ka hedhur idenë për një federatë të opozitës, për të kapërcyer ndarjet, përpara zgjedhjeve të vitit 2025. Ai deklaroi se opozita e ka një shans, të propozojë në vazhdimësi gjëra të reja, të mos merret më kundërshtitë që e ndajnë, por me ato që e bashkojnë.

“Opozita nuk e ka bërë një rekurs moral me veten dhe ka kohë deri në zgjedhje është pak. E di që nuk është optimiste, por opozita po bën diçka, po bën minimumin, bashkimin e saj të pjesshëm. Nëse i rikthehemi se çfarë ka ndodhur, duket sikur kruajmë plagët tona. Çfarë do të bëhet?

Unë mendoj se opozita ka një shans, të propozojë në vazhdimësi gjëra të reja, të mos merret më kundërshtitë që e ndajnë, por me ato që e bashkojnë.

Kam qenë i pari që kam hedhur idenë e një federate dhe të një kandidati për kryeministër që t’i tejkalojë kompentencat dhe të jetë ai shefi i opozitës për ta marrë këtë mandat nga pranvera, nga prilli, një vit para zgjedhjeve dhe të ndërtojë modelin e opozitës dhe të qeverisë të së nesërmes dhe jo robër të gjërave të vjetra.

Nëse kjo nuk ndodh, çështja është: a do të kemi një opozitë të vogël, apo një opozitë të madhe?

Sepse unë nuk shoh pastaj mundësi pushteti. Ne nuk kemi humbur çdo shans. Nëse ia dalim të sjellim njerëz të rinj, ide të reja dhe duke patur një komunikim intensiv me shoqërinë, larg ligjërimit të përditshëm, do të kemi shanse dhe shpresa që pas 12 vitesh ta ndryshojmë qeverinë dhe gjendjen në Shqipëri.

Në këtë moment, Berisha është i vetmi që mund ta shpëtojë dhe të japë një zgjidhje. Nëse ua lë atyre poshtë tij, do të hyjnë në meskinitet. Ende nuk ka filluar ta zgjidhë. Duhet t'i japë zgjidhje përfundimtare. Nëse e mban kështu është agoni e gjatë dhe nuk do të na çojë larg. Ai ka instinkte politike. Të fillojmë me gjëra të reja, të mos merremi me njerëzit, por me një kandidat për kryeministër. Sot nuk është disponibël bota akademike që t’i afrohet PD-së, por as PD të hapë derën për botën akademike. Nuk duhet të jetë gjithmonë kështu”, tha Gjekmarkaj.


Në përputhje me standarded JTI

Video

SHIKO KANALIN NE YOUTUBE
×