ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Majko del nga rreshti i socialistëve, nuk e votoi marrëveshjen për "Butrintin"

24 May 2022, 14:53Politikë SHKRUAR NGA REDAKSIA VOX
Majko del nga rreshti i socialistëve, nuk e votoi marrëveshjen
Pandeli Majko

Kuvendi miratoi dje me 75 vota pro marrëveshja për menaxhimin e Parkut të Butrintit nga një fondacion i krijuar në partneritet mes ministrisë së Kulturës dhe Fondit Shqiptaro-Amerikan të Zhvillimi.

Kundër votuan vetëm një pjesë e opozitës, 18 deputetë, të cilët e kundërshtuan hapur duke e cilësuar modelin e menaxhimit si dhënie me konçension të pasurive kombëtare.

Gjithsesi, kritik kishte dhe nga ana e mazhorancës. Deputeti Pandeli Majko abstenoi duke mos e votuar marrëveshjen për menaxhimin e Butrinit. Edhe gjatë seancës plenare, ai i kërkoi përgjigje nga ministrja e Kulturës, Elva Margariti, lidhur me atë që ai e quajti një problem ligjor. Sipas tij plani i menaxhimit është bërë mbi bazën e Vendimit të Këshillit të Ministrave të vitit 2002, ndërsa marrëveshja ka si bazë ligjore një VKM të miratuar në 2022

Marrëveshja e nënshkruar nga Ministria e Kulturës me Fondacionin për Menaxhimin e Butrintit parashikon dorëzimin te ky fondacion menaxhimin dhe të drejtat zhvillimore, përfshirë këtu edhe ndërtimet jo vetëm brenda zonës arkeologjike, por edhe në një perimetër të gjerë përreth saj.

Sipas marrëveshjes së nënshkruar, Fondacioni për Menaxhimin do të ndërtojë qendrën e re të vizitorëve, që ndodhet rreth një kilometër larg zonës arkeologjike, ku është hyrja aktuale. Marrëveshja përcakton gjithashtu se fondacioni ka në dorë menaxhimin e të gjitha objekteve kulturore në të Butrintit dhe mund t’i transferojë ato jashtë me lejen e Ministrisë së Kulturës.

Ndërkohë, Fondacioni do të aplikojë për leje zhvillimore, leje ndërtimi, leje mjedisi, leje peizashi kulturor, leje për ndërhyrje në pasuritë kulturore të paluajtshme dhe të luajtshme, licencë për qarkullimin e përkohshëm të pasurive të luajtshme kulturore, licencë importi të pasurive kulturore dhe çdo leje, apo licencë, ose miratim tjetër të nevojshëm. Sipas marrëveshjes, nëse fondacionit i refuzohet ndonjë leje, licencë apo autorizim atij i lind e drejta që të tërhiqet nga ky pakt.

Sipas aktit të regjistrimit të fondacionit në Gjykatën e Tiranës, që në korrik të vitit të kaluar, anëtarët e bordit të fondacionit janë Elva Margariti, Martin Mata, Aleksandër Sarapuli, Flonja Boriçi dhe Richard Hodges. Ndërkohë, drejtor ekzekutiv është caktuar arkeologu Lorenc Bejko.


Në përputhje me standarded JTI

Video

SHIKO KANALIN NE YOUTUBE
×