ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Begaj dhe Mitsotakis vizita në jug të vendit, çfarë pritet të ndodhë më 21 dhe 22 dhjetor

20 December 2022, 18:26Politikë SHKRUAR NGA REDAKSIA VOX
Begaj dhe Mitsotakis vizita në jug të vendit, çfarë pritet
Bajram Begaj dhe Kyriakos Mitsotakis

Presidenti i Republikës, Bajram Begaj pritet të zhvillojë një vizitë në jug të vendit, më konkretisht në Delvinë, Finiq dhe Sarandë. Vizita pritet të mbahet në datat 21-22 dhjetor.

Kreu i Shtetit do të takohet me përfaqësuesit e pushtetit vendor, komunitetin e biznesit dhe turizmit.

"Presidenti Begaj do të takohet në Delvinë me Kryetaren e Bashkisë, Znj. Majlinda Qilimi për t’u njohur nga afër me sfidat me të cilat përballet komuniteti në këtë zonë si dhe do të takohet me përfaqësues të sipërmarrjeve të vogla e do të vizitojë Muzeun e Historisë.

Presidenti Begaj do të vizitojë edhe Finiqin, ku do të takohet me Kryetarin e Bashkisë, Z. Kristo Kiço, me përfaqësues e intelektualë të minoritetit grek, si dhe do të vizitojë edhe Parkun Arkeologjik të Finiqit.

Në Sarandë, Presidenti Begaj do të takohet me kryetarin e bashkisë, Z. Adrian Gurma si dhe do të vizitojë repartin pediatrik të spitalit “Petro Nako” ku do të takohet e do të bisedojë me stafin e mjekëve.

Presidenti dhe Zonja e Parë do të vizitojnë edhe shkollën e mesme “Hasan Tahsini”. Një vizitë do të zhvillohet edhe në Parkun Kombëtar të Butrintit, për të parë bukuritë natyrore të këtij parku – pasuri e mbrojtur e UNESCO-s – që tërheq turistë nga e gjithë bota." thuhet në njoftimin e Presidencës.

Por, në të njëjtën ditë që presidenti Begaj do të nisë turin e tij në jug të vendit, edhe kryeministri i Greqisë Kyriakos Mitsotakis do të jetë në jug të Shqipërisë. Vizita e Mitsotakis do të përqendrohet në minoritetet greke në Himarë, Finiq dhe Dropull. Në disa prej takimeve të parashikuara në këto zona do të jetë i pranishëm edhe kryeministri Edi Rama.

 


Në përputhje me standarded JTI

Video

SHIKO KANALIN NE YOUTUBE
×