KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Basha: Koha të hapim letrat dhe të tregojmë pasurinë e çdo politikani

16 July 2023, 19:55Politikë SHKRUAR NGA REDAKSIA VOX
Basha: Koha të hapim letrat dhe të tregojmë pasurinë e
Ish-kryedemokrati Lulzim Basha

Ish-kryedemokrati Lulzim Basha ka vijuar takimet me qytetarët, këtë herë në qytetin e Pogradecit dhe Korçës.

Teksa dita ku do zgjidhet kryetari i PD-së po afron, Basha thotë se me të në krye Partia Demokratike do kthehet sërish në alternativë.

Basha thotë se ka ardhur koha që të hapen letrat e të tregohet pasuria e çdo politikani. Më herët, Basha i bëri thirrje SPAK-ut të godasë politikanët e korruptuar, si majtas edhe djathtas.

Postimi i plotë i Bashës:

Sot është koha t’i japim fuqi votës dhe zërit të qytetarëve përmes listave të hapura, vetting-ut në politikë, kufizimit të mandateve e votës së diasporës. Për këtë ne duhet të bëjmë gjithçka mundemi, bashkë me çdo shqiptar, të majtë e të djathtë, për të bërë të mundur këto ndryshime, duke kërkuar edhe referendum. Sot është e qartë. Ata që duan monopol mbi politikën, median, ekonominë dhe duan që Shqipëria të mbetet në duart e tyre, janë kundër vetting-ut, janë kundër llogaridhënies për pasuritë e tyre dhe lidhjet me krimin, që përdorin në çdo palë zgjedhje.

Mjafton të shihen dosjet e korrupsionit të Ahmetajt, ministrave, deputetëve dhe kryebashkiakëve të Edi Ramës për të kuptuar si i vjedhin paratë e shqiptarëve, si e përdorin krimin për të blerë zgjedhjet, si kriminelët përcaktojnë përfaqësuesit e tyre në Kuvend, si shteti i tyre funksionon si një organizatë kriminale. Sot është koha të hapim letrat dhe të tregojmë pasurinë e çdo politikani. Të shohim a i justifikojnë apo jo! Sot është koha që shqiptarëve t’u japim mundësinë të zgjedhin përmes votës se drejtpërdrejt deputetët e tyre.

Partia Demokratike mund dhe do ta sjellë këtë ndryshim, duke u bashkuar përmes vlerave dhe ideve në Aleancën Qytetare për Demokracinë, nëpërmjet së cilës mund të formojmë një shumicë që tejkalon ndarjet politike, për të bërë ndryshimet kushtetues që u japin forcë dhe pushtet qytetarëve për të ndërtuar të ardhmen që meritojnë.


Në përputhje me standarded JTI

Video

SHIKO KANALIN NE YOUTUBE
×