ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Basha kërkesë Veliajt: Na trego sa leje ndërtimi ke dhënë prej 2015-ës, kujt ia ke dhënë dhe sa taksë kanë paguar

12 August 2023, 18:43Politikë SHKRUAR NGA REDAKSIA VOX
Basha kërkesë Veliajt: Na trego sa leje ndërtimi ke
Lulzim Basha dhe kërkesa për Veliajn


Kryetari i Partisë Demokratike Lulzim Basha i është drejtuar me një kërkesë kryetarit të Bashkisë së Tiranës Erion Veliaj, ku i kërkon t'i vë në dispozicion të gjitha lejet e ndërtimit që janë dhënë prej 2015-ës e deri më sot.

Basha thotë se ndërtimi është sektori ku pastrohen paratë e krimit në Shqipëri, kryesisht në kullat ku kostoja për metër katror shkon në rreth 510 euro dhe shiten me 3800-4000€ për metër katror.

"Miliona metra katrorë leje ndërtimi raportohen se janë dhënë në Tiranë vitet e fundit. Shumica e kompanive nën emrin e të cilave merren lejet e ndërtimit nuk kanë kapacitetet financiare për t'i përfunduar ato. Bilanci i kompanive tregonte se ato kanë të ardhura minimale dhe nuk kanë asete apo kredi që mund të përdoren për financimin e projekteve", shkruan Basha.

Deklarata e plotë e Bashës dhe kërkesa për Veliajn:

Mbi 2 miliardë euro janë pastruar në sektorin e ndërtimit në Shqipëri sipas raporteve ndërkombëtare.

Departamenti Amerikan i Shtetit në raportin e tij konstaton se Shqipëria është "destinacion kryesor i pastrimit të parave".

Në 2020, Iniciativa Globale kundër Krimit të Organizuar Transnacional (GITOC) konstatoi se ndërtimet në Shqipëri ishin një mënyrë e preferuar për pastrimin e parave.

Në 2021, arrestimi i dhjetëra anëtarëve të Ndranghetës në Itali zbuloi lidhjet e tyre me sektorin e ndërtimit në Shqipëri. Përgjimet si pjesë e hetimit zbuluan se njëri prej të dyshuarve ka deklaruar: “Në rrokaqiejtë e rinj, çmimet shkojnë rreth 3800-4000€ për metër katror. A e dini sa është kostoja e vërtetë? 510€.”

Ndonëse SPAK nisi një hetim paraprak në shkurt të vitit 2021, nuk ka akoma asnjë të dhënë se çfarë po ndodh me këtë hetim.

Miliona metra katrorë leje ndërtimi raportohen se janë dhënë në Tiranë vitet e fundit. Shumica e kompanive nën emrin e të cilave merren lejet e ndërtimit nuk kanë kapacitetet financiare për t'i përfunduar ato. Bilanci i kompanive tregonte se ato kanë të ardhura minimale dhe nuk kanë asete apo kredi që mund të përdoren për financimin e projekteve.

Nga vijnë këto para?

Kush fshihet pas tyre?

Kush dhe si i siguron lejet e ndërtimit në emër të këtyre kompanive modeste?

Paratë e kujt po pastrohen me ndërtimet në Tiranë?

Partia Demokratike përmes këshilltarëve të saj në Tiranë ka kërkuar të dhëna të plota mbi lejet e ndërtimit në kryeqytet.

Bashkia e Tiranës e ka detyrim të bëjë transparencë për lejet e dhëna, ndërsa SPAK duhet të ndërmarrë një hetim të thellë e të papenguar në mënyrë që Tirana të mos jetë oaz i krimit dhe politikanëve të korruptuar që pastrojnë paratë në sektorin e ndërtimit.

Basha kërkesë Veliajt: Na trego sa leje ndërtimi ke
Kërkesa e Bashës për Veliajn

Në përputhje me standarded JTI

Video

SHIKO KANALIN NE YOUTUBE
×