ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Bardhi: Edi Rama pranoi se është palë në procesin gjyqësor të Belinda Ballukut

1 December 2025, 17:37Politikë SHKRUAR NGA REDAKSIA VOX

Bardhi: Edi Rama pranoi se është palë në procesin

Kreu i Grupit Parlamentar të Partisë Demokratike, Gazment Bardhi i është përgjigjur kryeministrit Edi Rama, lidhur me pretendimet e kreut të qeverisë se vendimi i GJKKO për pezullimin e Belinda Ballukut nga funksionet është – sipas tij – i paligjshëm.

Bardhi thotë se Rama sulmoi opozitën në fjalimin e tij, por nuk përmendi në asnjë rast se asnjë opinion i Komisionit të Venecias apo vendim i Gjykatës së Strasburgut nuk thotë se një ministër nuk mund të pezullohet nga detyra.

Sipas Bardhit, Edi Rama pranoi se ai është palë në procesin gjyqësor të Belinda Ballukut, njësoj sic është palë në aferën korruptive të Tunelit të Llogarasë

Reagimi i plotë i Bardhit:

7 minuta e 38 sekonda foli Edi Rama, në një përpjekje të sforcuar për të justifikuar avokatinë e paprecedent të të pandehurës Belinda Balluku, që e mban peng me aferat e përbashkëta korruptive.

Por, ndërkohë që shqiptarët prisnin sot t'iu thoshte se në cilin opinion të Komisionit të Venecias apo vendim të Gjykatës së Strasburgut thuhej se ministri nuk mund të pezullohej nga detyra, sic shpalli dje nga podcasti "Flasim me vete", ai u hodh me akuza dhe sharje ndaj opozitës që cmontoi gënjeshtrat e tij këmbëshkurtra me "Venecia" dhe "Strasburg", që në fakt thoshin ekzaktësisht të kundërtën e asaj që kishte deklaruar me krenarinë e njeriut shkollëpak, leximhic dhe i marrë peng.

Risia e të folurës vetmevete ishte se Edi Rama pranoi se ai është palë në procesin gjyqësor të Belinda Ballukut, njësoj sic është palë në aferën korruptive të Tunelit të Llogarasë. E në këtë kuptim, Edi Rama ka të drejtë që prokurori i SPAK dhe gjyqtari i GJKKO duhet ta thërrasin herës tjetër si palë në korrupsion krah për krah me të pandehurën Belinda Balluku.


Në përputhje me standarded JTI

Video

SHIKO KANALIN NE YOUTUBE
×