KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Robert Redford dhe plagët e heshtura të jetës së tij: Familja, humbja e dy fëmijëve dhe angazhimi për planetin

17 September 2025, 17:57Lifestyle SHKRUAR NGA REDAKSIA VOX
Robert Redford dhe plagët e heshtura të jetës së tij:
Robert Redford

Robert Redford, i cili u nda nga jeta të martën në moshën 89-vjeçare, nuk ishte vetëm një nga emrat e mëdhenj të Hollywood-it dhe një yll i një epoke të artë të kinemasë. Krahas punës si aktor dhe regjisor, ai ishte edhe një aktivist i përkushtuar për çështjet mjedisore, angazhim që e kishte nisur që në vitet ’70 dhe që më pas e kishte ndarë edhe me djalin e tij James, që ndërroi jetë nga kanceri në vitin 2020.

Në jetën private, aktori fitues i çmimit “Oscar” kishte përjetuar dy humbje të rënda: ishte martuar për herë të parë në vitin 1958 me Lola Van Wagenen, një historiane që ai e kishte njohur kur ajo ishte vetëm 17 vjeçe, dhe që mbeti gruaja e tij deri në vitin 1985.

Çifti kishte pasur katër fëmijë: i pari, Scott Anthony, kishte lindur në vitin 1959 dhe kishte vdekur papritur kur ishte vetëm dy muaj e gjysmë nga një sindromë fatale foshnjore, duke e lënë aktorin të kapluar nga ndjenja e fajit.

Një vit më vonë lindi Shauna Jean, pas saj në vitin 1962 erdhi në jetë David James dhe në vitin 1970 nga Amy Hart.

Pas përfundimit të lidhjes me Van Wagenen, Redford u martua përsëri në vitin 2009 me artisten gjermane Sibylle Szaggars. Me të, në vitet e fundit, ai kishte zgjedhur një jetë larg vëmendjes së publikut, pasi jeta e kishte vënë sërish në sprovë me humbjen e djalit James në vitin 2020, i cili vdiq në moshën 58-vjeçare pas një beteje dyvjeçare me kancerin.

James Redford, një prodhues dokumentaresh i vlerësuar, skenarist dhe regjisor, ishte president i Redford Center, institutit të themeluar së bashku me të atin në vitin 2005 për të prodhuar dokumentarë me tematikë sociale dhe mjedisore dhe për të trajnuar regjisorë të rinj në temën e ndryshimeve klimatike. Shumë kohë para sëmundjes që më vonë i mori jetën, në vitin 1993, James kishte kaluar dy herë një transplant të mëlçisë, një përvojë që ai e kishte rrëfyer në dokumentarin me titull “The Strangers”, me qëllim ndërgjegjësimin për dhurimin e organeve.

I mbrojtur dhe shumë privat në jetën personale, Robert Redford kishte shprehur disa herë se nuk ndihej rehat me famën. Pas ndarjes nga jeta të djalit James, përfaqësuesit e tij kishin shpërndarë një deklaratë të shkurtër: “Dhimbja është e paimagjinueshme kur humbet një fëmijë”, duke kërkuar që kjo humbje të përjetohej dhe të kalohej në mënyrë private, siç ishte edhe e drejtë./ Corriere della Sera


Në përputhje me standarded JTI

Video

SHIKO KANALIN NE YOUTUBE
×