“Dua të rifilloj një histori dashurie”, Monika Lubonja flet për jetën private
22 June 2022, 19:48LifestyleSHKRUAR NGA REDAKSIA VOX
Monika Lubonja
Gjatë qëndrimit të saj në shtëpinë e “Big Brother Vip”, Monika Lubonja ka rrëfyer shumë detaje nga jeta e saj personale dhe profesionale.
Gjatë bisedave të saj me banorët, aktorja ka folur rreth divorcit dhe tradhtisë nga ana e bashkëshortit të saj. Megjithatë pas gjithë këtyre, ajo e ka thënë shpesh se ka vazhduar jetën e saj duke krijuar edhe njohje me njerëz të tjerë.
Së fundmi Monika tregoi në një intervistë në “Natë me Aulonën” rreth njohjeve të saj dhe arsyes pse ka vendosur t’i mbajë kaq sekret.
“Kur kam dalë kam lexuar lajme të tmerrshme sepse harrojnë që jeta ime nuk ishte vetëm një martesë. Mbaroi ajo me respekt në maksimum nga të dyja palët, dhe unë kisha të drejtë të kisha një njohje tjetër. Jeta ime vazhdoi sepse unë jam divorcuar në moshën 27 vjeç, dhe s’mund të mbyllja dyert e zemrës. Unë kam pasur ato dashuritë e mia por i kam mbajtur pak sepse gjërat e mia personale nuk kam dashur t’i bëj kurrë publike sepse janë vetëm të Monikës”, tha ajo në “Natë me Aulonën”
E pyetur nëse ka një njeri në jetën e saj, Monika tha:
“Nuk kam, kam kohë që nuk kam dikë në krah, ndoshta kjo po më penalizon, sepse nuk po e lë dot veten të lirë. Le të kem atë guximin që të rifilloj edhe një histori tjetër dashuri, ndoshta nuk ka ardhur (ai), prandaj unë i bëj thirrje.”
