METAMORFOZA / “Më ndihmo në këtë orë të ligë o Gjigant”: I Gjati bëhet fetar, i lutet portretit të vet në mur!

 Kliko këtu për të tjera
Voxpress:

Krizë çmimesh në horizont! BSH: Shkak, protestat në Tiranë dhe tensionet në Lindjen e Mesme

12 Nëntor 2026, 16:38Biznes SHKRUAR NGA REDAKSIA VOX
Krizë çmimesh në horizont! BSH: Shkak, protestat në
Banka e Shqipërisë

Krizë çmimesh në horizont! Inflacioni, treguesi i zhvlerësimit të parasë përballë shtrenjtimit të jetesës do të vijojë të rritet, së paku deri në vitin 2028. Është ky parashikimi i Bankës së Shqipërisë, në një kohë që qeveria premton t’i bëjë më të lira ushqimet bazë të konsumit.

“Rritja e inflacionit është shkaktuar kryesisht nga shtrenjtimi i çmimeve të lëndëve energjetike dhe atyre të para në tregjet ndërkombëtare. Presim që ky presion të jetë gradual dhe që inflacioni të kthehet në objektivin prej 3% në vitin 2028”, u shpreh Rajna Hoxholli, Zëvendësdrejtore e Departamentit të Politikës Monetare.

Për herë të parë në dekadat e fundit, BSH vlerëson protestat si shkak i “një vale më të fortë të inflacionit dhe tkurrje e konsumit”.

Me skepticizëm shihen edhe ndryshimet fiskale të propozuar nga qeveria.

“Tensionet sociale mund të shoqërohen me rritje të pasigurisë, e cila mund të ndikojë në frenimin e konsumit dhe të aktivitetit turistik. Ndërkohë ndikimi paketës fiskale te inflacioni mbetet për t’u vlerësuar”, theksoi Hoxholli.

Ndërkohë që nuk mungojë rreziqet, edhe më të shtuara si pasojë e tensioneve në Lindjen e Mesme që vijojnë.

“Tensionet në tregjet ndërkombëtare dhe zhvillimet e pafavorshme ekonomike mund të shoqërohen me rritje të pasigurisë. Kjo mund të ndikojë në vendimmarrjen e bizneseve dhe konsumatorëve, si dhe në pritshmëritë për ecurinë e ekonomisë dhe të çmimeve në periudhën e ardhshme”, tha Rajna Hoxholli.

Për muajin e shkuar, INSTAT raportoi se inflacioni kërceu në 3.4 për qind nga 2.9 për qind në shtator, niveli më i lartë që prej janarit të vitit 2024.


Në përputhje me standarded JTI

Video

SHIKO KANALIN NE YOUTUBE
×