ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Tensionet në veri/ Derek Chollet anulon papritur vizitën në Kosovë

12 December 2022, 12:34Kosova&Bota SHKRUAR NGA REDAKSIA VOX

Tensionet në veri/ Derek Chollet anulon papritur vizitën në

Këshilltari i lartë i Departamentit amerikan të Shtetit, Derek Chollet, anuloi vizitën në Kosovë, për “arsye familjare”, sipas REL.

Ishte e parashikuar që Chollet dhe i dërguari amerikan për Ballkanin Perëndimor, Gabriel Escobar, të takonin pasditen e sotme udhëheqësit e lartë të shtetit të Kosovës, ndërsa mëngjesin e së martës përfaqësues të partive politike.

Në një njoftim të Qeverisë së Kosovës u bë e ditur se kryeministri Albin Kurti do të presë pasdite në takim vetëm Escobarin.

Vizita vjen në kohën kur situata në veri të Kosovës, zonë e banuar me shumicë serbe, është e tensionuar.

Disa serbë lokalë atje, qysh më 10 dhjetor, ngritën barrikada dhe bllokuan rrugët që çojnë drejt pikave kufitare me Serbinë, Jarinjë dhe Bërnjak.

Këto veprime i ndërmorën pasi Policia e Kosovës arrestoi ish-pjesëtarin e këtij institucioni, Dejan Pantiç, nën dyshimet për përfshirje në sulme kundër zyrtarëve të Komisionit Qendror të Zgjedhjeve në veri të Kosovës dhe atyre policorë.

 


Në përputhje me standarded JTI

Video

SHIKO KANALIN NE YOUTUBE
×