KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Rruga e mbipopulluar, del me video momenti i shpërthimit në mes të Stambollit (PAMJET)

13 November 2022, 15:41Kosova&Bota SHKRUAR NGA REDAKSIA VOX
Rruga e mbipopulluar, del me video momenti i shpërthimit në mes
Momenti i shpërthimit

Një qytetar ka filmuar rastësisht momentin e shpërthimit të regjistruar ditën e sotme në një rrugë këmbësorësh "Beyoglu Istiklal", pranë sheshit "Taksim" në Stamboll të Turqisë.

Siç shihet dhe në videon e mëposhtme, ai ka qenë duke filmuar rastësisht me telefon, kur në atë moment dëgjohet zhurma e fuqishme e shpërthimit dhe në mes të rrugës shihen flakë.

Siç duket dhe në pamje, rruga ka qenë e mbipopulluar nga qytetarët, teksa pas shpërthimit ata kthehen mbrapasht me vrap të frikësuar.

Mediat turke raportojnë se disa persona janë vrarë, ndërsa disa të tjerë kanë mbetur të plagosur, por nuk dihet ende numri i saktë i tyre. Shkaku i shpërthimit nuk është konfirmuar nga zyrtarët, teksa është regjsitruar në një nga rrugët tregtare më të ngarkuara të qytetit dhe është afër disa atraksioneve turistike.

"Sot rreth orës 16:20 ka ndodhur një shpërthim në rrugën Taksim Istiklal në lagjen tonë Beyo?lu. Në vendngjarje janë dërguar ekipet tona të policisë, shëndetësisë, zjarrfikësve dhe AFAD . Ka viktima dhe të plagosur. Zhvillimet e mëtejshme do të ndahen me publikun", tha Guvernatori Ali Yerlikaya në Twitter.

Qyteti ka qenë në shënjestër të sulmeve të ISIS në të kaluarën. Në vitin 2017, 39 persona u vranë pasi persona të armatosur hapën zjarr në një klub nate në lagjen Ortakoy. Militantët e ISIS sulmuan gjithashtu aeroportin e Stambollit në vitin 2016, duke vrarë 41 persona. 


Në përputhje me standarded JTI

Video

SHIKO KANALIN NE YOUTUBE
×