ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Qeveria amerikane merr më shumë se 350 raportime për UFO

12 January 2023, 23:16Kosova&Bota SHKRUAR NGA REDAKSIA VOX
Qeveria amerikane merr më shumë se 350 raportime për UFO
Ilustrim

Qeveria e SHBA-ve ka marrë mbi 350 raportime të atyre që njihen si “objekte ajrore të paidentifikuara”  ose  shkurtimisht, UFO që prej Mars 2021  dhe gjysma janë të pashpjeguara, sipas një raporti të zyrës së drejtuesit të Inteligjencës Kombëtare, të  publikuar të enjten.

Zyra përgjegjëse e Pentagonit  për ndjekjen dhe studimin e raportimeve ka identifikuar paraprakisht 163 prej tyre si “tullumbace” . Një mori raportimesh të tjera iu janë atribuuar droneve, zogjve, fenomeneve atmosferike  ose mbeturinave, si qeset plastike, shkruan “CNN”.

Por “ndarja fillestare nuk do të  thotë e zgjidhur ose e paidentifikuar”, thotë raporti. 171 rastet e mbetura vijojnë të mos kenë një shpjegim nga qeveria amerikane.  “Disa prej objekteve të paklasifikuara duket se kanë demonstruar karakteristika të pazakonta në fluturim ose performancë dhe nevojitet analizë e mëtejshme”.

Dokumenti i parë u lëshua në vitin 2021 dhe u ekzaminuan 144  raste, ku vetëm një prej tyre mundi të shpjegohej nga hetuesit. Raporti i së enjtes ka një rritje drastike nga paraardhësi i  tij dhe disa prej 366 rasteve në total mbulojnë incidente të ndodhura para Marsit 2021, por 250 prej tyre kanë ndodhur pas kësaj date.

Raporti i së enjtes pranoi mundësinë që pamjet mund të përfaqësojnë një platformë të huaj të inteligjencës, por hetuesit nuk duket se kanë grumbulluar ndonjë provë për të mbështetur këtë përfundim.


Në përputhje me standarded JTI

Video

SHIKO KANALIN NE YOUTUBE
×