KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

“Konflikt interesi", vajza e deputetes Luljeta Bozo fiton tender 100 mln lekë

28 April 2022, 11:58Fokus SHKRUAR NGA REDAKSIA VOX
“Konflikt interesi", vajza e deputetes Luljeta Bozo fiton tender 100
Në foto: Kryeministri Edi Rama dhe deputetja Luljeta Bozo

Deputetja Luljeta Bozo u afrua nga kryeministri Edi Rama në ekipin e deputetëve të sigurt në zgjedhjet e 25 Prillit 2021, për të paktën dy arsye kryesore, njëra publike dhe tjetra politike.

Së pari, Bozo u bë një figurë e pëlqyer nga publiku me ekspertizën e saj pas tërmetit tragjik të 26 Nëntorit 2019.

Së dyti, si deputetja më e vjetër në moshë, ajo kishte të drejtën e fjalës hapëse në punimet e Parlamentit të ri. Në mungesë të saj, fjala i takonte ish-kryeministrit demokrat dhe kundërshtarit më të fortë politik të Ramës, Sali Berisha.

Me marrjen e mandatit të deputetes, Lulejta Bozo, e cila kishte mbajtur këtë pozicion edhe gjatë periudhës komuniste, siguroi privilegje, por edhe detyrime.

Një prej këtyre detyrimeve është fakti që ajo dhe familjarët e saj të ngushtë, përfshirë fëmijët madhorë, nuk duhet të përfitojnë fonde nga tenderat publikë.

Ky ndalim nuk është zbatuar në mënyrë rigoroze.

Zyra arkitekturore e Ilirjana Bozos, vajza e deputetes, ka përfituar një tender të zhvilluar nga Universiteti publik i Durrësit, me vlerë rreth 100 milionë lekë të vjetra.

Tenderi në konflikt interesi

Në Dhjetor të vitit 2021, Universiteti “Aleksandër Moisiu” në Durrës, shpall tenderin për “Studim Projektim i Godines së Re të Fakultetit të Studimeve Profesionale” me fondi limit 9.038.696 pa TVSH.

Në Buletinin Publik të datës 26 Prill 2022, njoftohet se fitues paraprak është shpallur “Studio-Rebus”, me ofertë 8.850.000 lekë pa TVSH.

“Konflikt interesi", vajza e deputetes Luljeta Bozo fiton tender 100

“Studio-Rebus” është në pronësi 50 përqind të Ilirjana Bozos, vajza e deputetes socialiste, Luljeta Bozo. Ky fakt krijon dyshimet se tenderi është fituar në kundërshtim me ligjin për “Konfliktin e Interesit”, shkruan BoldNews.

“Konflikt interesi", vajza e deputetes Luljeta Bozo fiton tender 100

 

Ky ligj, në nenin 21 të tij, parashikon që zyrtarëve me funksion deputet u ndalohet të lidhin kontrata me institucionet publike.

“Konflikt interesi", vajza e deputetes Luljeta Bozo fiton tender 100

Ky ndalim shtrihet edhe për “personat e lidhur” me deputetët, që sipas këtij ligji janë “bashkëshortët dhe fëmijët madhorë”.

“Konflikt interesi", vajza e deputetes Luljeta Bozo fiton tender 100

Universitetet publike konsiderohen “institucione publike”, sipas ligji “Për arsimin e lartë”, pasi një pjesë të rëndësishme të financimit të tyre e marrin nga Buxheti i Shtetit.

Pra, referuar përcaktimeve ligjore, vajza e deputetes Luljeta Bozo, nuk mund të përfitojë kontrata nga institucionet publike, siç është edhe Universiteti “Aleksandër Moisiu” në Durrës.

Megjithatë, të dhënat zyrtare dëshmojnë se “Studio-Rebus”, në pronësi 50 përqind të Ilirjana Bozos, është shpallur fituese e tenderit publike me vlerë rreth 100 milionë lekë të vjetra.

Galeria fotografike (
)


Në përputhje me standarded JTI

Video

SHIKO KANALIN NE YOUTUBE
×