ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

A do vuajmë edhe krizën e vezëve? Tregut do t’i mungojnë miliona kokrra

22 March 2022, 13:26Biznes SHKRUAR NGA REDAKSIA VOX

A do vuajmë edhe krizën e vezëve? Tregut do t’i

Gripi i pulave ka nxjerrë në pah edhe pikëpyetjet nëse do të ketë pasoja në treg sa i takon furnizimit me vezë por edhe në çmimin e këtij produkti.

Sipas të dhënave zyrtare të INSTAT, në Shqipëri janë afro 5 milionë pula. Të dhënat i referohen shpendëve në stabilimentet e prodhimit të vezëve. Vetëm në rajonin e Durrësit ku dhe janë të përqendruara stabilimentet e prekura nga dy sëmundje, janë të përqendruara 1 milion pula apo 20 për qind e totalit, shifra më e lartë në të gjithë vendin.

Po të bazohemi në të dhënat e Ministrisë së Bujqësisë nga gripi i shpendëve deri më tani kanë ngordhur 300 mijë krerë, çka përbëjnë 6 % të totalit në të gjithë vendin.

Por si do të ndikojë kjo në tregun e vezëve? Të dhënat e INSTAT tregojnë se në Shqipëri prodhohen mesatarisht 861 milionë vezë në vit.

 Nga llogaritë e bëra nga TV SCAN, rezulton se një shpend në stabiliment prodhon mesatarisht 171 vezë në vit.

Dhe duke qenë se kanë ngordhur deri më tani 300 mijë shpendë, numri i vezëve të munguara në treg llogaritet në afro 51 milionë përgjatë këtij viti, apo 5.9 për qind e totalit.

Megjithatë nëse bazohemi në të dhënat e medieve, numri i pulave të ngordhura është shumë herë më i madh, afro 1 milion pula të ngordhura, pra më shumë se trefish dhe nëse kësaj i shtohet dhe fakti që sëmundja po shtrihet edhe në zona të tjera (Konfirmohet zona e Prespës ku dhe 60 pula të ngordhura në Lushnjë) atëherë shifra e sipërpërmendur, 5.9 % pritet të shkojë 20 përqind.

Edhe nëse  nuk do të ketë mungesë në treg, çdo gjë tregon se mund të jetë rritje të mëtejshme të çmimit të tyre.


Në përputhje me standarded JTI

Video

SHIKO KANALIN NE YOUTUBE
×