ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Yuri Kim flet për korrupsionin, por a do reagojë për Ahmetajn dhe Prokurorët e SPAK që fshehën faturat e hoteleve?

10 December 2022, 14:06Aktualitet SHKRUAR NGA REDAKSIA VOX
Yuri Kim flet për korrupsionin, por a do reagojë për Ahmetajn dhe
Në foto: Ambasadorja amerikane, Yuri Kim dhe ish-mibnistri, Arben Ahmetaj

Ambasadorja amerikane në Shqipëri, Yuri Kim thotë se potenciali i Shqipërisë po gërryhet nga korrupsioni, në një editorial të publikuar në faqen e ambasadës amerikane në Facebook, me rastin e Ditës Ndërkombëtare Anti-Korrupsion.

Në postimin e bërë në faqen zyrtare të Ambasadës Amerikane, Yuri Kim duket se e sheh "çelësin" tek drejtësia dhe refoma në drejtësi, për të cilën shprehet se është e financuar nga SHBA dhe vendet e Bashkimit Europian.

Madje shtoi se i nxit institucionet e drejtësisë të Shqipërisë që të bashkohen për të luftuar korrupsionit në institucionet shqiptarë që kanë lejuar edhe minimin e demokracisë së Shqipërisë. 

Por ajo që ambasadorja amerikane nuk po flet është se si duhet që drejtësia ose SPAK të hetojë politikanë të nivelit të lartë. Le të marrim rastin e djeshëm ku një gazetar investigav, Adriatik Doçi kallëzoi prokurorët e SPAK Klodian Braho dhe Eneid Nakuçi që po hetojnë dosjen e inceneratorëve, se kanë fshehur provat të cilat fajësonin ish-zëvendës kryeministrin Ahmetaj.

Në reagimin e saj në 'Ditën Ndërkombëtare Anti-Korrupsion', ambasadorja amerikane ka zgjedhur të mos shkruaj për këtë skandal, ku një ish-ministër shëtit në hotele luksoze me paratë e një biznesmeni në kërkim nga SPAK. 

Por duket si ambasadorët që duan (drejtësi) dhe politika kanë zgjedhur të heshtin para një skandali, që ka të bëjë me ministrin më jetëgjatë që duhet të japë llogari.

Ambasadorja shkruan ndër rreshta se 'Korrupsioni përbën një cënueshmëri të sigurisë kombëtare, kufizon dhe shtrembëron investimet', dhe kjo është cënuar në skandalin 'Ahmetaj' por që nuk po gjen hapësirën e duhur për ta denoncuar këtë.

A do kemi një reagim nga ambasadorja amerikane, Yuri Kim për këtë skandal që po përhapet nga disa media që kanë denoncuar korrupsionin dhe abuzimet me tendera? Deri kur të kemi një reagim nga SHBA dhe SPAK, nuk na mbetet gjë tjetër përveçse të presim.

Deklarata e ambasadores amerikane, Yuri Kim: 

Teksa shënuam Ditën Ndërkombëtare Anti-Korrupsion dje, është me rëndësi që të rigjallërojmë përpjekjet tona për t’i dhënë fund murtajës së korrupsionit. Korrupsioni iu vjedh qytetarëve dhe brezave të ardhshëm pasurinë dhe shpresën. Ai than rritjen ekonomike, pengon zhvillimin, minon demokracinë, si dhe iu hap dyert kriminelëve, trafikantëve dhe terroristëve.

Prandaj Presidenti Biden, për herë të parë, e përcaktoi anti-korrupsionin si interes thelbësor të sigurisë kombëtare dhe bëri publike një Strategji ambicioze të Shteteve të Bashkuara për t’iu Kundërvënë Korrupsionit. Për ta vënë në zbatim strategjinë, Shtetet e Bashkuara punojnë anembanë globit për të ndihmuar vendet që të parandalojnë ryshfetin, të mbështesin hetimin dhe ndjekjen penale të korrupsionit, promovuar transparencën, si dhe fuqizuar shoqërinë civile dhe median e pavarur për të zbuluar korrupsionin.

Këtë javë, qeveria e Shteteve të Bashkuara dhe Transparency International organizuan Konferencën e 20 Ndërkombëtare Anti-Korrupsion, të përqendruar te mbrojtja e vlerave demokratike nga korrupsioni. E vlerësojmë pjesëmarrjen e zyrtarëve të qeverisë, gazetarëve dhe përfaqësuesve të OJQ-ve në të, përfshi nga Shqipëria.

Shtetet e Bashkuara e mbështesin luftën kundër korrupsionit me veprime të qarta. Ne financojmë reforma në drejtësi, përfshi me BE-në dhe partnerë të tjerë. Mbështesim median investigative dhe organizatat e shoqërisë civile që luftojnë korrupsionin. Përdorim shpalljet non grata dhe sanksionet ndaj aktorëve të korruptuar dhe do të vazhdojmë ta bëjmë këtë. Për shembull, Presidenti Biden nënshkroi në qershor 2021 një Urdhër Ekzekutiv të ri, i cili përqendrohet te krijimi i kostove për ata që përfshihen në veprimtari që minojnë institucionet demokratike dhe destabilizojnë Ballkanin Perëndimor, përfshi në Shqipëri. Ky Urdhër Ekzekutiv është përdorur tashmë për të sanksionuar aktorë të korruptuar.

Shtetet e Bashkuara vazhdojnë të intensifikojnë përpjekjet tona për t’u përballur me korrupsionin dhe për t’iu kërkuar llogari aktorëve të korruptuar. Pse? Sepse ne duam ta shohim Shqipërinë – mike dhe aleate e jona në NATO – të rritet më e fortë dhe më e pasur. Korrupsioni përbën një cënueshmëri të sigurisë kombëtare, kufizon dhe shtrembëron investimet, si dhe minon demokracinë.

I nxisim institucionet e drejtësisë të Shqipërisë që të bashkohen me ne për ta ngritur anti-korrupsionin si çështje qendrore – për të bërë të qartë se të gjithë janë të barabartë përpara ligjit, që askush nuk është mbi ligjin, që ditët e pandëshkueshmërisë po i afrohen fundit, që populli Shqiptar mund të mbështetet tek institucionet shqiptare për të dhënë drejtësi, dhe që cilido ka një mundësi të drejtë dhe të barabartë për sukses në Shqipëri.

Institucionet shqiptare po bëjnë përparim kundër korrupsionit por ka shumë më tepër për të bërë. Lufta kundër korrupsionit është një proces i gjatë dhe i vështirë por suksesi është i mundur. Asnjë vend nuk ka imunitet. Secili vend, përfshi Shtetet e Bashkuara, e lufton korrupsionin çdo ditë. Sfida e Shqipërisë nuk është aspak unike – as nuk është e pakapërcyeshme.

Gjatë vitit të fundit, institucionet shqiptare kanë filluar të ndjekin penalisht çështje që më parë as nuk do ishin prekur. Uniteti ynë si aleatë në NATO ka arritur nivele të reja. Shqipëria ulet me Shtetet e Bashkuara në Këshillin e Sigurimit të OKB-së. Këtë verë, Shqipëria hapi bisedimet për anëtarësim me BE-në, një arritje e jashtëzakonshme që duhet ta bëjë krenar çdo shqiptar.

Gjatë këtij 100-vjetori të vendosjes së marrëdhënieve diplomatike SHBA-Shqipëri, përkushtimi ynë ndaj popullit Shqiptar është më i fortë se kurrë. Rruga përpara – drejt anëtarësimit në BE, drejt drejtësisë – mund të jetë e vështirë, por Shtetet e Bashkuara mbeten të vendosura për të qenë në krahun tuaj çdo hap, në mënyrë që të ecim përpara së bashku. Gjithnjë përpara, gjithnjë bashkë.

Çfarë ndodhi ditën e djeshme

Gazetari Adriatik Doçi u paraqit në Prokurorinë e Posaçme Anti-Korrupsion për të depozituar një kallëzim penal, ndaj dy prokurorëve Klodian Braho dhe Ened Nakuçi si dhe ndaj ish zv.Kryeministrit Arben Ahmetaj.

Kallëzimi ka të bëjë me hetimet për inceneratorin e Elbasanit, ku sipas gazetarit Doçi, dy prokurorët e SPAK kanë fshehur provat dhe kanë devijuar qëllimisht hetimet për të mos çuar përpara drejtësisë zyrtarin e lartë socialist dhe një nga firmëtarët e inceneratorit, Ahmetaj.

Në fashikullin e kallëzimit prej 26 faqesh, Doçi paraqet prova sesi shtetasi Klodian Zoto, i shpallur në kërkim nga këta dy prokurorë, ka përdorur kartën e tij bankare për të paguar udhëtimet ndaj Arben Ahmetajt dhe bashkëshortes së tij Erjola Hoxhës.

Këto prova janë gjetur në kompjuterin e sekuestruar të Klodian Zotos, ku nëpërmjet emaileve janë evidentuar rezervime hotelesh, kryesisht në suita për Ahmetajn, për të cilat gazetari thotë se janë shpenzuar mijëra euro./VoxNews


Në përputhje me standarded JTI

Video

SHIKO KANALIN NE YOUTUBE
×