ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Bashkia e Shkodrës jep alarmin: Presim përmbytje në fundjavë

9 December 2022, 21:15Aktualitet SHKRUAR NGA REDAKSIA VOX
Bashkia e Shkodrës jep alarmin: Presim përmbytje në fundjavë
Shkodra

Fundjava pritet të jetë me reshje të dendura shiu dhe dëbore dhe Bashkia e Shkodrës ka dhënë sërish alarmin se rajoni rrezikohet nga përmbytjet.

Në një postim në rrjetet sociale, Bashkia e Shkodrës shkruan se nga ana e Hidrocentraleve në Kaskadën e Drinit sipas raportimeve mund të ketë shkarkime, kjo bazuar në nivelin e prurjeve. Ajo ka vënë në dispozivion dhe një numër telefoni qytetarëve për të kërkuar ndihmë nëse kanë nevojë.

“Bazuar në parashikimet e IGJEUM, territori i Bashkisë Shkodër pritet të ketë këtë fundjavë reshje të shumta shiu si dhe reshje dëbore në zonat malore. Nga ana e Hidrocentraleve në Kaskadën e Drinit sipas raportimeve mund të ketë shkarkime, kjo bazuar në nivelin e prurjeve.

Shtabi i emergjencave të Bashkisë Shkodër është në gatishmëri për çdo situatë që mund të paraqitet. Ju lutemi banorëve të nënShkodrës të marrin masa, të kenë vemendje të shtuar, si dhe raportim sa më të shpejtë të problematikave që mund të shfaqen në këto njësi duke njoftuar në numrin e celularit: 067 303 5950” – thuhet në njoftim.

Pak javë më parë Shkodra ishte një nga zonat më të goditura nga përmbytjet. Opozita dhe Bashkia akuzuan qeverinë për keqmenaxhim të kaskadës së Drinit. Në krahun tjetër mazhoranca tha se shkak u bë niveli i lartë i reshjeve.


Në përputhje me standarded JTI

Video

SHIKO KANALIN NE YOUTUBE
×