ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

“Ti je rrugaçe!”/ Baballarët nuk lënë fëmijët të takojnë nënat dhe i heqin nga shkolla (VIDEO)

27 October 2022, 21:31Aktualitet SHKRUAR NGA REDAKSIA VOX
“Ti je rrugaçe!”/ Baballarët nuk lënë
Gazetarja

Emisioni “Stop” trajtoi këtë të enjte rastin e dy grave të cilat kanë denoncuar se ish-bashkëshortët e tyre, të cilët janë vëllezër, nuk u lenë që të takohen me fëmijët dhe për më tepër i kanë larguar nga shkolla. Baballarët kanë vepruar në kundërshtim me vendimet e gjykatës.

Secila prej tyre ka 3 fëmijë, por asnjëra nuk i sheh dot, pasi janë divorcuar dhe baballarët nuk i lenë që të takohen me nënat.

“Kam dy vite që nuk i kam takuar, për t’i parë thjesht i kam parë në shkollë në distancë”, u shpreh një prej denoncueseve.

“Një vit e dy muaj, dhe unë në distancë, por për t’i takuar jo”, u shpreh kunata tjetër.

Proceset gjyqësore ua kanë lënë kujdestarinë nënave, por ish-bashkëshortët kanë marrë fëmijët dhe tani nuk i çojnë as në shkollë që nga muaji Prill.

“Në këtë situatë që janë fëmijët nuk duan, janë influencuar shumë nga ana e prindërve. Gjyqtari e ka shprehur qartë që fëmijët po rriten në një ambient ku figura e nënës së tyre është denigruar përmes dhunës psikologjike që babai ushtron mbi ta. Në muajin Prill fëmijët janë larguar nga shkolla. I kanë hequr fëmijët nga shkolla e kemi bërë situatën të dyja alarmante. Baballarët pretendonin që unë kisha shkuar për t’i rrëmbyer fëmijët në shkollë. Sa herë që kam shkuar në shkollë i kam parë fëmijët nga rruga dhe thjesht jam larguar”, u shpreh një prej grave.

Zonjat shprehen se e kanë ndjekur çështjen me përmbarim dhe polici, por burrat nuk kanë lejuar ekzekutimin e vendimeve të gjykatës.

“Të gjashtë. Ne jetonim bashkë dhe çdo vendim merret bashkarisht. Kurse pretendimi i tij ishte që unë me përmbaruesin po shkelja ligjin meqenëse kisha vajtur në shkollë për të ekzekutuar vendimin dhe që do t’i rrëmbeja në mënyrë jo të rregullt. Kam një vendim gjykate dhe përmbaruesi thjesht po e ekzekutonte”, u shpreh denoncuesja.

Më tej ajo shtoi se, “Çdo institucion ia hedh topin institucionit tjetër. Normalisht të gjithë bien në një konsensus deri diku që bashkia duhet të reagojë. Bashkia thotë që nuk e kam unë”.

Ato pretendojnë se ndaj fëmijëve është ushtruar dhunë psikologjike dhe këtë e kanë parë në një takim që kanë zhvilluar.

“Thonin që nuk të duam, nuk të kemi mami, t’i ke rrjedhur kur ishim këtu. Djali më thoshte që nuk më ke dashur sepse nuk më ke dhënë qumësht gjiri. Ndodhemi në një situatë të pazakontë sepse psikologët në Fier nuk e marrin përsipër”, u shpreh gruaja.

Dy kunatat thonë se psikologët nuk marrin përsipër rastet për shkak të presioneve nga ana e ish-bashkëshortëve.

“Ish-bashkëshorti im punon në KLSH, auditues. Ai normalisht e ka si praktikë, dërgon email-e, fillon kërcënon. Këtë e ka bërë dhe me gjyqtarët jo vetëm me psikologët”, tha një prej grave.

“Të njëjtën gjë po fillon e bën edhe në Gjykatën e Apelit në Vlorë”, shtoi tjetra.

“Stop” i është drejtuar dhe vëllezërve për të pasur pretendimet e palëve të tjera në këtë çështje. Gazetarja komunikoi me anë të avokatit të dy vëllezërve Hilaj, Petrit Morina. Ky i fundit ka thënë se duhet pritur vendimi i formës së prerë.

Petrit Morina: Në momentin që ka vajtur policia, shërbimi social i bashkisë dhe zyra përmbarimore për të ekzekutuar urdhrin e menjëhershëm të mbrojtjes, nuk është ekzekutuar. Kanë marrë kontakt me fëmijën në bashkëpunim edhe me nënën e fëmijëve. Fëmijët kanë qenë shumë të irrituar dhe nuk kanë dashur që të takojnë nënën e tyre.

Gazetarja: Të lutem interesi i fëmijëve është parësor për prindërit dhe për ne si “Stop”. Nuk kam ardhur që të kundërshtoj vendimin e fëmijëve. Unë kam ardhur sepse jam e shqetësuar sepse klientët e tu nuk zbatojnë vendimin e gjykatës, nuk njohin vendimin e gjykatës.

Petrit Morina: Jam konsultuar me klientët e mi dhe i kam thënë që të drejtën për të takuar nëna fëmijët e saj, ia kam thënë edhe në gjykatë…

Gazetarja: Të drejtën e kujdestarisë, jo takim.

Petrit Morina: Në gjykatë kur është divorci nga zonja është kërkuar thjesht kërkesë për lënie dhe rritje për edukim fëmije si dhe divorci. Nëse do të shikojmë sipas objektit të padisë atëherë gjykata në vendimin e saj, ndaj është ankimuar në Apel, ka dalë jashtë objektit të saj.

Gazetarja: Ti bëj ca të duash me vendimin e gjykatës, por në momentin që je në proces, fëmijët i kalojnë nënës. Ti ankimoje bëji çfarë të duash.

Petrit Morina: Këtë vendim e kemi çuar në Apel.

Gazetarja: Kush janë këta dy persona që nuk njohin institucionin qoftë edhe Gjykata e Shkallës së Parë, më vjen keq?

Petrit Morina: Jam shumë dakord me ju. Atëherë po të them nga ana proceduriale e kam ndjekur këtë problem. Se çfarë bëjnë personat që unë i përfaqësoj, nuk mund t’ia imponoj zotërinjve në fjalë… Ua kam thënë tekstualisht, zotërinj të nderuar, takimi i nënës me fëmijët duhet të bëhet sepse tek e fundit është nëna biologjike, ashtu sikurse ju keni të drejtën tuaj”. Ia kam thënë në sallë të gjyqit. Më kanë thënë ne do të ndjekim këtë rrugë deri në përfundim të procesit të gjyqësor, deri në Apel.

Njëri nga prindërit që ka shkaktuar këtë problem, Ilir Hilaj, në një komunikim me gazetaren e “Stop” nervozohet kur gazetarja e pyet se pse i ka lënë fëmijët pa shkollë dhe i hakërrehet kësaj të fundit.

Gazetarja: Përshëndetje zoti Hilaj si jeni?

Ilir Hilaj: Si ia kaloni? Keni një zë shumë melodioz.

E kam radiofonik.

Ilir Hilaj: Të përgëzoj! Je e mrekullueshme! Tani më dëgjo pak me kujdes! E di, çfarë do marrësh, e di çfarë do thuash.

Thjesht këtë doja të thoja, zotëri duke qenë se jeni njohës edhe i ligjit.

Ilir Hilaj: Jo të lutem! Të lutem, të lutem…! Nuk më flet mua kështu ti! “Komunikimi Publik”, është një lëndë që mësohet në shkollën e Gazetarisë. Në qoftë se ti, do të bësh presion përmes mikrofonit, i kam thënë zotit Saimir…

Të lutem mos bëj pedagogun e gazetarisë se e ka bërë dikush tjetër, kam mbaruar shkollën, jam diplomuar. Dalim tek problemi që kemi. Për të qenë e balancuar duke qenë se njihni leksionet e gazetarisë.

Ilir Hilaj: Atëherë, balancim po ju kërkoj! Balancim!

Balancimin është kur flas dhe me palën tjetër.

Ilir Hilaj: Balancimin unë do ta jap në studio.

Atë nuk e vendos ti.

Ilir Hilaj: Bravo! Qëndrojmë tek kjo pikë, tani?

Po! Vendimin e gjykatës pse nuk e njihni?

Ilir Hilaj: Atëherë, këtë do ta shpjegojmë atje, kur është në emision live.

Fëmijët pse nuk shkojnë në shkollë zotëri?

Ilir Hilaj: Zonjë, zonjë, ti, ti…më fal, ti je rrugaçe! Ti je rrugaçe!

Gazetarja: Kjo “rrugaçja”, e kupton vetë ti, të informon se ke shkelur dy nene 320 pra pengimin e ekzekutimit të vendimit të gjykatës si dhe nenin 127 mosdorëzimin e fëmijës prindit tjetër. Të lutem zbatoji.

Institucionet përgjegjëse pas publikimit të rastit kanë reaguar. Ato kanë kërkuar arrestimin e dy baballarëve të fëmijëve për veprat penale veprime në kundërshtim me vendimin e gjykatës, neni 121/1 i Kodit Penal si dhe neni 124/b2 “keqtrajtimi i të miturve”. Mirëpo “Stop” njofton se njëri prej tyre, babai që punonte si auditues, është arrestuar, ndërsa vëllai tjetër është shpallur në kërkim.

“Bëhet fjalë për audituesin e KLSH që sipas burimeve të “Stop” është pezulluar nga detyra. E di çfarë po mendoja që nëse Saimir Kodra, drejtori i emisionit investigativ “Stop” do t’i jepte atë kohën televizive këtij personi jam kurioze ta di si do t’ia bënte se është nën arrest. Mirëpo emisionit “Stop” nuk i vlen arrestimi i askujt, por mirëqenia e 6 fëmijëve”, raportoi gazetarja.

Por çfarë ka ndodhur me ta?

Nëna: Pas insistimit të emisionit “Stop” patëm një reagim të menjëhershëm të institucioneve shtetërore, Gjykatës, Prokurorisë, Komisariatit të Policisë dhe kemi ndërhyrë në banesë për marrjen e fëmijëve, dhe fëmijët sot janë me nënat e tyre!

Gazetarja: Si është gjendja e tyre?

Nëna: Gjendja normale, nuk është shumë e mirë.

Gazetarja: Janë nën asistimin e psikologëve flas?

Nëna: Po, janë. Janë nën asistimin e psikologëve, dhe duhet ta vazhdojmë për një kohë të gjatë të fëmijëve në asistimin e psikologëve, sepse gjendja nuk paraqitet e mirë.

Gazetarja: Me t’u përmirësuar besoj do t’i ktheni në shkollë?

Nëna: Po, patjetër!

Gazetarja: Më bëhet shumë qejfi që ky rast u zgjidh.

Nëna: Faleminderit dhe juve!


Në përputhje me standarded JTI

Video

SHIKO KANALIN NE YOUTUBE
×