ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Rrezikuan banesa dhe sera, arrestohen 4 persona në Berat për zjarrvënie të qëllimshme

13 August 2025, 12:36Aktualitet SHKRUAR NGA REDAKSIA VOX
Rrezikuan banesa dhe sera, arrestohen 4 persona në Berat për
Nje person duke ndezur zjarre

Policia e Beratit ka identifikuar dhe arrestuar katër shtetas për zjarrvënie të qëllimshme në lagjen “Uznovë” dhe në fshatrat Osmëzezë dhe Drenovicë.

Si pasojë e këtyre zjarreve, janë rrezikuar banesa, sera, dhe janë shkatërruar sipërfaqe toke dhe pemë frutore.

Në kuadër të operacionit, shërbimet e Komisariatit të Policisë Berat arrestuan shtetasit:

Sh. D., 49 vjeç, banues në lagjen “Uznovë”, i dyshuar për ndezjen e zjarrit në këtë lagje, ku u rrezikuan banesat dhe u djeg një sipërfaqe toke.

Z. M., 56 vjeç, banues në fshatin Osmëzezë, i dyshuar për ndezjen e zjarrit në tokën e tij, duke shkaktuar djegien e sipërfaqeve toke dhe pemëve frutore që i përkisnin dy shtetasve të tjerë.

Po ashtu, shërbimet e Stacionit të Policisë Dimal arrestuan:

S. M., 53 vjeç dhe L. B., 56 vjeç, banues në fshatin Samatic, të dyshuar për ndezjen e zjarreve në fshatin Drenovicë, ku janë djegur pemë ulliri dhe ka pasur rrezik për djegien e serave.


Materialet procedurale iu referuan Prokurorisë pranë Gjykatës së Shkallës së Parë e Juridiksionit të Përgjithshëm Berat, për veprime të mëtejshme.

Drejtoria Vendore e Policisë Berat apelon sërish, për të gjithë qytetarët, që në asnjë rast të mos ndezin zjarre, pasi do të përballen me pasoja penale.


Në përputhje me standarded JTI

Video

SHIKO KANALIN NE YOUTUBE
×