ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Rrahja barbare e të moshuarës për 10 mijë euro, merret në pyetje 4 të dyshuar, sekuestrohen provat dhe pamjet e kamerave

6 January 2023, 11:08Aktualitet SHKRUAR NGA REDAKSIA VOX
Rrahja barbare e të moshuarës për 10 mijë euro, merret
Luljeta Hoxha, 67-vjeçe

Një e moshuar nga fshati Pirg i Maliqit, Luljeta Hoxha, 67-vjeçe, ka përjetuar tmerr dy netë para ndërrimit të viteve, ku një grabitës i ka hyrë në banesë, e ka dhunuar barbarisht, e ka lidhur dhe i ka grabitur një shumë parash prej 10 mijë eurosh.

Fillimisht, Policia u mjaftua vetëm me një njoftim të shkurtër, por ngjarja ka marrë vëmendje mediatike pas denoncimit nga ana e ish-kryeministrit Sali Berisha, teksa e moshuara ndodhet ende në spital.

Burime pranë grupit hetimor bëjnë me dije se hetuesit po mbledhin prova dhe kanë administruar si provë litarin me të cilin ishte lidhur e moshuara në momentin e grabitjes.

Gjithashtu, janë sekuestruar edhe pamjet nga kamerat e sigurisë së banesës ngjitur, e cila është në pronësi të kunatit të 67-vjeçares, për të bërë të mundur zbulimin e lëvizjeve që kanë ndjekur autorët.

Ndërkohë janë marrë në pyetje disa persona, mes të cilëve fqinj dhe të afërm të së moshuarës. Mes të shoqëruarve janë edhe 4 të rinj në zonë që i përshtaten përshkrimit për autorin e grabitjes.

Policia po heton edhe persona me të cilët e moshuara ka pasur kontakte të vazhdueshme, të cilët mund të kenë pasur dijeni edhe për shumën e parave që ajo mbante në kasafortë.

 


Në përputhje me standarded JTI

Video

SHIKO KANALIN NE YOUTUBE
×