KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Korrupsioni me pronat në Tropojë/ Shpallet në kërkim drejtoresha e Kadastrës, pezullohen 6 zyrtarë (Emrat)

14 July 2022, 13:45Aktualitet SHKRUAR NGA REDAKSIA VOX
Korrupsioni me pronat në Tropojë/ Shpallet në kërkim
Ajlin Avdiaj

Finalizohen 2 operacione policore, të koduara "Cancel" dhe "Tenderi”, për goditjen e veprimtarisë kriminale në fushën e krimit ekonomik në Tropojë..

Falsifikoi dokumentet e pronave, shpallet në kërkim përgjegjësja e zyrës vendore të Agjencisë Shtetërore të Kadastrës, Tropojë. 

Po ashtu, janë ekzekutuar masat "Pezullimi i ushtrimit të detyrës" dhe "Detyrimi për t'u paraqitur në policinë gjyqësore", për 6 anëtarë të Komisionit të Vlerësimit të Ofertave, në bashkinë Tropojë.

“Në kuadër të operacionit “Cancel”, nga specialistët e Hetimit të Krimit Ekonomik dhe Financiar në Komisariatin e Policisë Tropojë u bë shpallja në kërkim e shtetases A. A., 31 vjeçe, banuese në Fierzë, Tropojë, me detyrë përgjegjëse e zyrës vendore të Agjencisë Shtetërore të Kadastrës, Tropojë.  Kjo shtetase u shpall në kërkim, pasi Prokuroria pranë Gjykatës së Rrethit Gjyqësor Tropojë ka dërguar urdhrin për ekzekutimin e vendimit të datës 12.07.2022, të Gjykatës së Rrethit Gjyqësor Tropojë, e cila ka caktuar për shtetasen A. A., masën “Pezullimi i ushtrimit të detyrës” dhe masën “Arrest në shtëpi”, për veprat penale “Falsifikimi i dokumenteve”, “Kundërshtimi i punonjësit që kryen një detyrë shtetërore apo një shërbim publik” dhe “Veprime që pengojnë zbulimin e së vërtetës”.” – njofton policia.

Nga muaji nëntor i vitit 2021 deri në muajin qershor të këtij viti, ndaj kësaj shtetase ka pasur kallëzime se falsifikonte dokumentet e pronave, duke i regjistruar ato në emër të shtetasve të tjerë dhe jo të pronarëve të ligjshëm të tyre.

Operacioni" Cancel ", shpallet ne kerkim pergjegjesia e zyres vendore te Agjencisë Shtetërore të Kadastrës, Tropojë shtetësja Aljin Alfredaj, 31 vjeçe, banues në Tropojë.

Në kuadër të operacionit policor të koduar "Tenderi", nga specialistët për Hetimin e Krimin Ekonomik dhe Financiar në Komisariatin e Policisë Tropojë, u bë ekzekutimi i masave "Pezullimi i ushtrimit të detyrës" dhe "Detyrimi për t'u paraqitur në policinë gjyqësore", të caktuara nga Gjykata e Rrethit Gjyqësor Tropojë, për veprën penale "Shpërdorimi i detyrës", për shtetasit:

Hazir Isufaj, 64 vjeç, banues në Bajram Curri, me detyrë anëtar i Njësisë së Prokurimit, në bashkinë Tropojë;

Kujtim Baliaj, 64 vjeç, banues në Bajram Curri, anëtar i Njësisë së Prokurorimit, në bashkinë Tropojë;

Bajram Brahaj, 63 vjeç, banues në Bajram Curri, anëtar i Komisionit të Vlerësimit të Ofertave, në bashkinë Tropojë;

Pal Rosaj, 54 vjeç, banues në Bajram Curri, anëtar i Komisionit të Vlerësimit të Ofertave, në bashkinë Tropojë;

Shaban Demiraj, 25 vjeç, banues në Begaj, anëtar i Komisionit të Vlerësimit të Ofertave, në bashkinë Tropojë;

Mustaf Vatoci 64 vjeç, banues në Bujan, anëtar i Komisionit të Vlerësimit të Ofertave, në bashkinë Tropojë.

Nga hetimet e kryera janë evidentuar veprime dhe mosveprime në kundërshtim me ligjin,  të anëtarëve të Njësisë së Prokurorimit (NJP) dhe anëtarëve të Komisionit të Vlerësimit të Ofertave (KVO), lidhur me procedurën e prokurorimit me objekt "Rikonstruksioni i 5 segmenteve rrugore, në fshatrat Gri, Bujan dhe Cërrnicë", zhvilluar në vitin 2022.


Në përputhje me standarded JTI

Video

SHIKO KANALIN NE YOUTUBE
×