ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

VIDEO/ Rastësia e FRIKSHME, Rey Manaj shënoi ndaj Serbisë në të njëjtën minutë që humbi penalltinë në Shqipëri!

13 October 2025, 09:52Sport SHKRUAR NGA REDAKSIA VOX
VIDEO/ Rastësia e FRIKSHME, Rey Manaj shënoi ndaj Serbisë
Rey Manaj

Futbolli i do historitë e tij, por ajo që ndodhi mbrëmjen e të shtunës me Rey Manajn është diçka që të lë pa fjalë. Vetëm disa muaj më parë, më 7 qershor 2025 në “Air Albania”, Shqipëria dhe Serbia u ndanë në barazim 0-0.

Në atë ndeshje, Manaj kishte mundësinë t’i jepte fitoren historike kuqezinjve nga pika e bardhë, por ai e humbi penalltinë në minutën 45+2.

Zemërimi, zhgënjimi dhe valët e kritikave që pasuan ishin të mëdha, madje shumë tifozë nuk e kursyen as ofendimet ndaj tij.

Por këtë të shtunë, historia u përsërit… në mënyrën më të pabesueshme të mundshme.

Në Leskovac, përballë të njëjtit rival, Rey Manaj shënoi pikërisht në minutën 45+2, duke vulosur fitoren më të madhe të Shqipërisë ndaj Serbisë në histori. Nga pika e dhimbjes në Tiranë, në majën e lavdisë në Serbi, një cikël që vetëm futbolli mund ta shkruajë me kaq emocion.

Ndeshja u zhvillua në një atmosferë të zjarrtë, ku nuk munguan as thirrjet e rënda të një pjesë të tifozëve serbë si “vritini shqiptarët” dhe “Kosova është Serbi”, ndërsa në tribuna u shfaq edhe një banderolë provokuese me hartën e Kosovës të mbuluar nga flamuri serb, ngjarje që pritet të sjellin ndëshkim nga UEFA.

 
 
 
 
 
View this post on Instagram
 
 
 
 
 
 
 
 
 
 
 

A post shared by VOX News (@voxnews.al)


Kuqezinjtë megjithatë ruajtën qetësinë dhe karakterin, duke mbrojtur rezultatin deri në fund.

Në sekondat e fundit, Nedim Bajrami humbi mundësinë për të dyfishuar, por fitorja ishte e siguruar.

Me këtë triumf historik, Shqipëria konsolidon vendin e dytë në Grupin K me 11 pikë, duke lënë pas Serbinë me 7 pikë, ndërsa Anglia kryeson me 15 pikë.


Në përputhje me standarded JTI

Video

SHIKO KANALIN NE YOUTUBE
×