ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Japoni, babai lë vetëm djalin 7-vjeçar në mes të malit Fuji dhe vazhdon ngjitjen

24 August 2026, 17:23Kosova&Bota SHKRUAR NGA REDAKSIA VOX

Japoni, babai lë vetëm djalin 7-vjeçar në mes të

Një burrë, i cili e la djalin e tij 7-vjeçar të lodhur të priste i vetëm në malin Fuji të Japonisë, ndërsa vetë vazhdoi ngjitjen me pjesën tjetër të familjes, është qortuar nga policia, shkruan CNN.

Djali u pikas të enjten nga një punonjës teksa qëndronte ulur i vetëm pranë një strehe, në një lartësi prej rreth 2.500 metrash mbi nivelin e detit pak më shumë se gjysma e rrugës për në majën e malit më të lartë të vendit sipas televizionit TV Asahi, partner i CNN.

Më pas, rasti u raportua në polici. Policia bëri të ditur se djali kishte dalë për ngjitje me të atin dhe vëllain më të madh, por iu kërkua të priste aty pasi u lodh dhe nuk donte të vazhdonte më ecjen, raportoi TV Asahi.

Atij iu tha të priste në një stol te stacioni i gjashtë i shtegut Fujinomiya, ndërsa i ati dhe vëllai vazhdonin ngjitjen, thuhej në raport.

Kur u kthyen pesë orë më vonë, policia po i priste së bashku me djalin e vogël; ai ishte shëndosh e mirë dhe iu dorëzua të atit.

Oficerët e paralajmëruan burrin se mund të përballej me përgjegjësi penale – siç raportoi transmetuesi televiziv japonez ndërsa shtuan se ai shprehu pendesë.

Në të kaluarën, alpinistët që ngjiteshin në vullkanin me lartësi 3.776 metra (12.388 këmbë) kanë pasur nevojë për shpëtim pasi kanë shfaqur simptoma të sëmundjes së lartësisë.

Gjithashtu, kushtet e motit në mal mund të jenë të paparashikueshme.

Vitet e fundit, autoritetet kanë vendosur rregulla të reja, përfshirë kufizimin e numrit maksimal të alpinistëve në ditë dhe detyrimin e tyre për të ndjekur një kurs të shkurtër mbi sigurinë gjatë ngjitjes.


Në përputhje me standarded JTI

Video

SHIKO KANALIN NE YOUTUBE
×