ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Vizita e Ramës në Prishtinë, Kurti refuzon takimin: I kërkova të mbajmë mbledhjen e 2 qeverive, asgjë tjetër

5 July 2023, 10:42Politikë SHKRUAR NGA REDAKSIA VOX
Vizita e Ramës në Prishtinë, Kurti refuzon takimin: I
Albin Kurti dhe Edi Rama

Kryeministri i Kosovës Albin Kurti thotë se i ka kërkuar Kryeministrit Edi Rama që të zhvillojnë mbledhjen e përbashkët të dy qeverive më 6 Korrik, kur Rama do të jetë në Prishtinë në kuadër të turit që do të zhvillojë në Ballkan.

Në një konferencë shtypi me gazetarët, Kurti bëri të ditur se me rëndësi konsideron mbledhjen e përbashkët për firmosjen e marrëveshje të lënë përgjysmë pas anulimit të mbledhjes, dhe jo takime të tjera.

“Jam në kontakt të drejtpërdreht me Kryeministrin e Shqipërisë Edi Rama. E di që do vijë në një vizitë në Prishtinë në kuadër të turit ballkanik. Miqësisht i kam kërkuar që meqënëse do vijë që ta mbajmë edhe mbledhjen e 2 qeverive e cila u anulua pa arsyeshëm ndonëse ishte parashikuar më 14 Qershor në Gjakovë. 13 marrëveshje do duhet të nënshkruheshin të cilat tahsmë kanë ngelur në sirtar.

Në mënyrë që këto marrëveshje të nënshkruhen, unë i kam propozuar Kryeministrit Rama që meqë po vjen këtë javë le ta mbajmë edhe një mbledhje të përbashkët të dy qeverive tona të nënshkruajmë ato marrëveshje të dakorduara që janë në sirtar e t’i zbatojmë një e orë e më parë.

Procesi i Berlinit është shumë i rëndësishëm dhe nuk ka në Ballkan lider si Kryeministri i Kosovës që e ka mbështetur Procesin e Berlinit.

Nëse Kryeministri Edi Rama insiston në anulimin e mbledhjes së dy qeverive, unë ngelem te qëndrimi që ja kam dhënë se për takimin e ne të dyve ne kemi kontakt të drejtpërdrjet, ne takohemi shumë shpesh.

Nuk lëngon raporti Kosovë-Shqipëri, por dhe demokracia e paqja e siguria në Ballkan pse nuk takohet Kryeministri i Kosovës me atë të Shqipërisë. Por për shkak se mbledhjet e dy qeverive tona janë anuluar pa arsye.

Unë e konsideroj të arsyeshme një mbledhje të përbaskët të dy qerverive, por jo takime të tjera”, u shpreh Kryeministri Albin Kurti.

Kryeministri shqiptar ka planifikuar që në datën 6 dhe 7 Korrik të takohet me 4 homologët e Maqedonisë së Veriut, Kosovës, Bosnjes e Malit të Zi si dhe Presidentin e Serbisë.

Turin do ta nisë nga Shkupi dhe pas takimit me Dimitar Kovaçevskin do të udhëtojë drejt Prishtinës ku do të takohet me Albin Kurtin. Rama dhe Kurti do të takohen rreth orës 16:00 dhe më pas pritet të ketë dhe një komunikim me mediat. Kryeministri dhe stafi i tij kanë vendosur të qëndrojnë natën e 6 Korrikut në Prishtinë.


Në përputhje me standarded JTI

Video

SHIKO KANALIN NE YOUTUBE
×