ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Ahmetaj ankohet pse i del dosja hetimore në media, ndërkohë vetë ai s’la dokument pa nxjerrë për inceneratorët

12 October 2023, 12:44Politikë SHKRUAR NGA REDAKSIA VOX

Ahmetaj ankohet pse i del dosja hetimore në media, ndërkohë

Arben Ahmetaj, ish-zëvendëskryeministri i Shqipërisë dhe ish-ministër i Financave ka bërë një tjetër reagim sot në lidhje me aferën e dytë të tij që ka nisur hetimet SPAK.

Bëhet fjalë për dosjen “Buka” ku ai ka favorizuar një biznesmen duke dalë dhe mbi vendimin e gjykatës.

Në reagimin e sotëm që është i treti në pak ditë Ahmetaj ankohet se dosja e tij ka dalë në media më parë se ai të njihet me të.

“1. Si ka mundësi që akuzat ndaj meje rrjedhin në media e portale të ndryshme përpara se të ndiqet rruga ligjore ose të paktën të ndiqet e njëjta rrugë që SPAK ka ndjekur për dosjet e tjera deri më tani? Njoftimi i avokatëve mbi akuzat. Si edhe në rastin e dosjes së Inceneratorëve (vetëm për personin Arben Ahmetaj) dosjet dalin në media para se të ketë njoftime zyrtare. Mos vallë është vazhdë e strategjisë së “Deles së zezë” nga spin doctor/s? A mos është kjo një strategji për një gjyq popullor në media përpara se i prezumuari i pafajshëm të shkojë “i fajshëm” në gjykatë? Ky ka qenë stil i Vyshinsky-t, por 90 vjet më parë e në diktaturë.

2. Si ka mundësi që ekskluzivitetin e lajmeve të SPAK në lidhje me dosjet Ahmetaj e marrin mediat e financuara nga inceneratorët përpara se ato të ndjekin rrugën ligjore? Në cilin vend të botës, detajet e dosjes hetimore, e jo më pastaj dosjet e plota si në rastin tim dalin, në media?” shkruan Ahmetaj në reagimin e gjatë.

Por a është ky një reagim i cili i shkon për shtat një ish drejtuesi të lartë të shtetit?

A nuk do ishte mirë të bënte pyetjen si ka mundësi që njeriu që shqiptarët i kanë besuar detyrat më të larta shtetërore abuzoi me detyrën dhe besimin e shqiptarëve duke u bërë një përfitues i paligjshëm i parave publike.

A nuk do ishte më e ndershme që ai të dorëzohej përpara organeve të drejtësisë dhe më pas të ngrinte pretendime me rrjedhje informacioni.

A nuk do ishte e ndershme të përballej me SPAK dhe të hiqte dorë nga akuzat dhe justifikimet e gjoja “delesë së zezë”?

Për të mos mjaftuar këto, ish shefi i financave thotë se dosja e tij del në mediat që financohen nga inceneratorët.

A nuk është Ahmetaj që ka në borderonë e tij një liste më gazetarw dhe portale ku nuk ka lënë më dosje dhe dokument pa nxjerr përpara se të administroheshin nga SPAK.

A nuk është Arben Ahmetaj njeriu që kishte përfituar më shumë se kushdo nga paratë e inceneratorëve dhe më pas rezultoi si njeriu që donte të rrëzonte Edi Ramën duke u bërë bashkë me një grup mafioz politik mediatik për të bërë denoncimin e inceneratorëve pasi kishin mbaruar punimet si rasti i Elbasanit dhe Ffierit.

Sa më sipër Arben Ahmetaj është personi i fundit që duhet të hiqet si i virgjër në lidhje me rrjedhjen e informacionit dhe duhet të jetë i fundit që të quhet i përndjekur.

Ka aq shumë për të dhënë shpjegime sa inceneratorët dhe Buka janë vetëm maja e ajsbergut.

Përpara se të bëjë moral nga arratia duhet më parë të dalë para drejtësisë si burrë sepse ka qenë njeriu me funksionet me të larta shtetërore.

Nuk është e hijshme për të, dhe as për shtetin.

***

Me poshte reagimi i plote i Ahmetaj
Në vazhdën e reagimeve të mia, si një përpjekje për të kuptuar të vërtetën dhe bërë transparencë me fakte, disa pyetje dhe sqarime të tjera vijnë natyrshëm për median, publikun dhe patjetër e mbi të gjithë, për SPAK:
1. Si ka mundësi që akuzat ndaj meje rrjedhin në media e portale të ndryshme përpara se të ndiqet rruga ligjore ose të paktën të ndiqet e njëjta rrugë që SPAK ka ndjekur për dosjet e tjera deri më tani? Njoftimi i avokatëve mbi akuzat. Si edhe në rastin e dosjes së Inceneratorëve (vetëm për personin Arben Ahmetaj) dosjet dalin në media para se të ketë njoftime zyrtare. Mos vallë është vazhdë e strategjisë së “Deles së zezë” nga spin doctor/s? A mos është kjo një strategji për një gjyq popullor në media përparase i prezumuari i pafajshëm të shkojë “i fajshëm” në gjykatë? Ky ka qenë stil i Vyshinsky-t, por 90 vjet më parë e në diktaturë.
2. Si ka mundësi që ekskluzivitetin e lajmeve të SPAK në lidhje me dosjet Ahmetaj e marrin mediat e financuara nga inceneratorët përpara se ato të ndjekin rrugën ligjore? Në cilin vend të botës, detajet e dosjes hetimore, e jo më pastaj dosjet e plota si në rastin tim dalin, në media?
3. Ku konsiston shpërdorimi i detyrës në rastin e dosjes “Buka”? Cilin ligj e nen kam shkelur?
4. Cili është dëmi që i kam shkaktuar shtetit në “shpërdorimin e detyrës” nga ana ime? Sa është dëmi që i kam shkaktuar shtetit?
5. Familja e nderuar e ish-pronareve ka të drejtën për të ndjekur të drejtën që mendon se i takon, por cila është arsyeja që në Qershor të vitit 2022 ajo ka bërë një kallëzim specifikisht për Arben Ahmetaj? Mos vallë kjo përkon e promovuar me persekutimin e përndjekjen time politiko-mediatiko-juridike?

6. Cila është arsyeja që familja e nderuar e ish-pronarëve ka tërhequr padinë ndaj institucionit që ka dhënë lejen e ndërtimit, ndërkohë që Gjykata e Apelit ka dhënë vendimine formës së prerë për anulimin e privatizimit?
7. Si ka mundësi që është dhënë leje ndërtimi në gusht të 2018, ndërkohë që Vendimi i Gjykatës së Apelit ka dalë në Nëntor të 2017. Vendimi i Gjykatës është ligj për të gjithë dhe i zbatueshëm në vetvete. E vetmja që s’ka marrë asnjë vendim apo veprim në kundërshtim me Vendimin e formës së prerë të Gjykatës së Apelit është Ministria e Ekonomisë drejtuar nga unë në atë periudhë.
8. Si ka mundësi që SPAK anashkalon faktin që aksionet shtetërore janë mbrojtur dhe jo e kundërta? Si ka mundësi që SPAK injoron apo anashkalon rolin e Ministrit të Ekonomisë si person politik? Si ka mundësi që SPAK anashkalon apo injoron faktin ligjor që Ministri i Ekonomisë nuk bën vlerësim apo rivlerësim asetesh dhe aksionesh, por kjo pjesë e procedurës bëhet nga vlerësues të pavarur e të certifikuar të cilët janë në listën zyrtare të institucionit.
9. Si ka mundësi që institucioni i akuzës, SPAK, shprehet në media për supriza hetimore apo habi në lidhje vetëm me dosjet Ahmetaj? Mos vallë ky institucion është kontaminuar në damarët e vet nga strategjia e ”deles së zezë”? Mos valle ka tendencë apo urrejtje të pajustifikuar personale? Apo kjo është çështje karriere dhe përmbushje statistikash pa cilësi?!
Disa sqarime, sërish:
1. Ministria e Ekonomisë nuk bënte privatizime! Ministria e Ekonomisë në kohën kur drejtohej nga unë, me ligj urdhëronte vetëm nisjen e procedures së privatizimit të aksioneve shtetërore në sektorët jo-strategjikë. Ministria e Ekonomisë urdhëronte vlerësim ose rivlerësim, që më pas kryhej nga ekspertë të pavarur, të licensuar. Ministria e Ekonomisë dërgonte dosjen në Agjensinë e Privatizimit në Ministri të Financave. Të gjitha këto hapa duke zbatuar ligjet në fuqi.
2. Shitja e aksioneve shtetërore është bërë me ankand të hapur, ku mund të merrte pjesë kushdo (pa asnjë mundësi favorizuese). Shitja bëhej me ankand të hapur nga Agjensia e Privatizimit në Ministrinë e Financave, e cila në kohën e zhvillimit të ankandit nuk drejtohej nga Arben Ahmetaj.
3. Vendimi i Gjykatës së Apelit është i formës së prerë dhe nuk ka nevojë për asnjë urdhër mbështetës, e pavaresisht kësaj, ka dalë një urdhër anulimi nga ana e Ministrisë së Ekonomisë.
4. Sipërmarrësin në fjalë as nuk e kam, e as nuk e kam pasur kurrë mik. Dhe sikur ta njihja, besoj se koha kur njihje “kulakë”, ka përfunduar prej kohësh. Të njohësh dikë apo disa në vendin tonë të vogël nuk përbën më prej vitesh shkelje penale!
Gjithsesi, kujdes kur ta nxirrni këtë postim, nëse vendosni ta nxirrni, se mund t’ju zerohet mbështetja okulte, apo mund të merrni telefonata kërcënuese nga spin doctors.


Në përputhje me standarded JTI

Video

SHIKO KANALIN NE YOUTUBE
×