ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

A do i bojkotojë Basha zgjedhjet e 6 marsit? Deklarata që ngre dyshime

7 February 2022, 21:05Politikë SHKRUAR NGA REDAKSIA VOX
A do i bojkotojë Basha zgjedhjet e 6 marsit? Deklarata që ngre dyshime
Lulzim Basha, kryetar i PD

Kreu i Partisë Demokratike, Lulzim Basha mund të tërhiqet nga zgjedhjet e pjesshme vendore të 6 marsit, parashikon analisti Lorenc Vangjeli.

I ftuar në Report tv, Vangjeli thotë se beteja kryesore e Bashës nuk është me Edi Ramën, por me ish-kreun e PD, Sali Berishën.

Sipas Vangjelit, nëse Basha del pakicë në 6 mars, ai do ta humbte edhe kështjellën e fundit morale që e mban në krye të Partisë Demokratike.

“Uroj që fjala bojkot të mos jetë kryefjalë e këtyre zgjedhjeve. Vazhdoj të kem dyshime, sepse rrugës mund të ketë qoftë një tërheqje të PD-së legale, të plotë apo të pjesshme të kandidatëve të saj. Sepse duke dalë jashtë kësaj beteje, Basha shmang betejën kryesore që ka. Ai dhe Berisha të dy luftojnë se kush e ka mazhorancën e opozitës.

Të dyja palët janë në garë dhe kjo është shumë e qartë. Sali Berisha mezi pret të hyjë në zgjedhje dhe ka kërkuar që prej shtatorit beteja që Lulzim Basha ka refuzuar t’ia japë. Kështu që ka shumë mundësi që Partia Demokratike legale të tërhiqet. Sepse nëse Basha del pakicë, ai humbet edhe kështjellën e fundit morale që e mban brenda PD-së”, tha Vangjeli.

PD është duke zhvilluar sondazhe të brendshme për zgjedhjet e 6 marsit. Nëse rezultatet nuk i japin shpresë për të fituar ndonjë bashki, nuk do të përjashtohej edhe mundësia e tërheqjes. Por ky do të ishte bojkoti i dytë i Bashës, dhe që ta justifikonte do t’i duhej një sforco e madhe.


Në përputhje me standarded JTI

Video

SHIKO KANALIN NE YOUTUBE
×