LAJME TË NXEHTA/ Zbulohen gurë kontrabandë të fshehur në kontejnerët me kokainë!

 Kliko këtu për të tjera
Voxpress:

Një javë pas fitores së studentëve në zgjedhje, arrestohet shefi i Policisë Kriminale në Serbi!

1 November 2026, 13:30Kosova&Bota SHKRUAR NGA REDAKSIA VOX
Një javë pas fitores së studentëve në zgjedhje,
Bosko Sekuloviç

Një javë pas fitores së opozitës në zgjedhjet parlamentare në Serbi, është arrestuar Marko Kriçak, kreu i Policisë Kriminale serbe, me urdhër të Prokurorisë. 

Ai dhe zëvendësi i tij, Bosko Sekuloviç, akuzohen për shpërdorim detyre, raportojnë mediat serbe, duke iu referuar agjencisë shtetërore të lajmeve Tanjug.

Në zgjedhjet e së dielës së kaluar, lista e opozitës e mbështetur nga studentët fitoi shumicën e vendeve në parlament, duke lënë në opozitë koalicionin qeverisës të drejtuar prej vitesh nga Aleksandar Vuçiç.

Edhe pse ndryshimi i qeverisë nuk është realizuar ende, arrestimi i një prej zyrtarëve të lartë të policisë shihet si një zhvillim i rëndësishëm, pasi Kriçak konsiderohej një nga njerëzit më të afërt të Vuçiçit në radhët e policisë.

Sipas Prokurorisë, Kriçak dyshohet se ka penguar dhe manipuluar hetimet për një vrasje të lidhur me mafien. Ai akuzohet se ka ndërhyrë në provat e çështjes, me qëllim që të rrëzoheshin akuzat për ndihmë në kryerjen e vrasjes.

Nga shitës makinash në drejtues të Policisë Kriminale

Karriera e Kriçakut në strukturat shtetërore nisi pasi ai punonte si shitës makinash. Më pas, ai u rekrutua në Agjencinë e Inteligjencës të Serbisë (BIA), ku raportohet se u afrua me Partinë Përparimtare Serbe (SNS) të Vuçiçit.

Në korrik të vitit 2023, ai mori drejtimin e Njësisë për Mbrojtjen e Personave dhe Objekteve (JZO), ndërsa në fund të vitit 2025 u emërua në krye të Policisë Kriminale serbe.

Përveç manipulimit të dyshuar të hetimeve, Prokuroria e akuzon edhe për keqtrajtim dhe intimidim të protestuesve paqësorë.

Një prej episodeve të përmendura lidhet me gushtin e vitit 2025, kur efektivë të JZO-së tërhoqën zvarrë një grup studentësh dhe i dërguan në bodrumin e godinës së qeverisë në Beograd.

Kriçak, i cili në atë kohë drejtonte këtë njësi, dyshohet se ka udhëhequr personalisht operacionin, ka goditur një studente dhe e ka kërcënuar se do e përdhunonte.


Në përputhje me standarded JTI

Video

SHIKO KANALIN NE YOUTUBE
×