ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Zelensky: Kemi kapur dy ushtarë kinezë në Ukrainën lindore

8 April 2025, 15:22Kosova&Bota SHKRUAR NGA REDAKSIA VOX

Zelensky: Kemi kapur dy ushtarë kinezë në Ukrainën lindore

Presidenti i Ukrainës Volodymyr Zelensky thotë se dy ushtarë kinezë janë kapur gjatë luftimeve në Ukrainën lindore.

Ai tha se forcat e tij u ndeshën me gjashtë ushtarë kinezë dhe dy prej tyre u zunë rob. Ai shtoi se kishte urdhëruar zyrtarët që të merrnin një shpjegim nga Pekini lidhur me prezencën e tyre.

"Ne kemi informacione se ka shumë më tepër shtetas kinezë në njësitë e pushtuesit sesa vetëm dy. Tani po i zbulojmë të gjitha faktet", shtoi ai.

Kina është aleate e Rusisë dhe është akuzuar se ka ndihmuar luftën e saj në Ukrainë, megjithëse Pekini i ka mohuar vazhdimisht akuzat se ka furnizuar forcat e Kremlinit me armë.

"Përfshirja e Kinës në këtë luftë në Evropë, drejtpërdrejt ose tërthorazi, është një sinjal i qartë se Putini do të bëjë gjithçka, përveçse t'i japë fund luftës/ Ai po kërkon mënyra për të vazhduar luftën”, tha Zelensky.

Zelensky tha se kjo tregon përfshirjen e Kinës në luftën e Rusisë kundër Ukrainës dhe tha se priste që SHBA të reagonte.

Luftëtarë të kombësive të ndryshme i janë bashkuar ushtrisë ruse gjatë luftës, shpesh në këmbim të premtimeve për shuma të mëdha parash. Megjithatë, kjo nuk përfaqëson ndërhyrje zyrtare nga vendet e tyre të origjinës.

Koreja e Veriut ka dërguar gjithashtu mijëra trupa të saj për të mbështetur Rusinë, por sipas raportimeve, ata kanë luftuar vetëm brenda territorit rus të pushtuar nga Ukraina.


Në përputhje me standarded JTI

Video

SHIKO KANALIN NE YOUTUBE
×