ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Sulmi me dhjetëra të plagosur në paradën e Liverpool, çfarë piste po heton policia?

27 May 2025, 09:50Sport SHKRUAR NGA REDAKSIA VOX
Sulmi me dhjetëra të plagosur në paradën e Liverpool,
Forca të shumta të shërbimit të urgjencës në vendngjarje

Dhjetëra persona mbetën të plagosur, mes të cilëve katër fëmijë, pasi një makinë u fut qëllimisht në turmën e njerëzve gjatë paradës së fitores së Liverpool.

Autori i këtij incidenti të rëndë, një burrë 53-vjeçar britanik, është arrestuar menjëherë nga policia në vendngjarje.

Ngjarja nuk po trajtohet si akt terrorizmi, por si incident i izoluar me pasoja të rënda.

Zëvendëspresidentja e policisë së qarkut administrativ, Jenny Sims, tha se nuk po zhvillohen kërkime për "persona të tjerë në këtë drejtim".

Sipas autoriteteve, dy nga të plagosurit ndodhen në gjendje kritike për jetën. Një mjek që udhëtonte me biçikletë u godit gjithashtu, por fatmirësisht nuk ka marrë lëndime serioze.

Ngjarja ndodhi në Water Street, ku mijëra tifozë ishin mbledhur për të festuar titullin e Liverpool-it. Parada u ndërpre dhe zona u izolua për të mundësuar operacionet e shpëtimit dhe hetimin.

Kryeministri Keir Starmer e cilësoi incidentin si “shokues” dhe falënderoi ekipet e emergjencës për reagimin e menjëhershëm. Kryetari i Bashkisë së Liverpulit, Liam Robinson, u bëri thirrje qytetarëve të shmangin shpërndarjen e pamjeve tronditëse dhe të ndihmojnë hetimin me çdo informacion të vlefshëm.

Hetimet janë në zhvillim për të zbuluar motivet e këtij akti të rëndë që tronditi qytetin në një ditë që duhej të ishte festive.


Në përputhje me standarded JTI

Video

SHIKO KANALIN NE YOUTUBE
×