ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

BE kërcënon Musk: Mbyllim Twitter në Europë nëse nuk zbaton rregullat tona

26 April 2022, 19:06Kosova&Bota SHKRUAR NGA REDAKSIA VOX

BE kërcënon Musk: Mbyllim Twitter në Europë nëse nuk

Brukseli e ka paralajmëruar Elon Musk se Twitter duhet të zbatojë rregullat e reja dixhitale të BE-së nën pronësinë e tij, ose të rrezikojë gjoba të mëdha, apo edhe një ndalim, duke vendosur terrenin për një betejë globale rregullatore mbi të ardhmen e platformës së mediave sociale.

Thierry Breton, komisioneri i BE-së për tregun e brendshëm i tha Financial Times se Elon Musk duhet të ndjekë rregullat për moderimin e përmbajtjeve të paligjshme dhe të dëmshme në internet pasi Twitter pranoi ofertën e blerjes prej 44 miliardë dollarësh të miliarderit.

“Ne i mirëpresim të gjithë. Jemi të hapur, por me kushtet tona. Të paktën ne dimë çfarë t'i themi: 'Elon, ka rregulla. Jeni të mirëpritur, por këto janë rregullat tona. Nuk janë rregullat tuaja që do të zbatohen këtu”, tha Breton.

Marrëveshja private e Musk për Twitter mund të transformojë shefin ekzekutiv të Tesla-s, i cili ka përdorur platformën për të sulmuar rregullatorët dhe kritikët, në një baron të mediave sociale, duke qenë se miliona njerëz mbështeten në platformën me bazë në San Francisko për informacione.

Ai tha të hënën se "fjala e lirë është themeli i një demokracie funksionale" dhe e përshkroi Twitter si "sheshin dixhital të qytetit ku debatohen çështjet jetike për të ardhmen e njerëzimit".

Komentet nga Breton, një nga aktorët e rregullatorëve dixhitalë më me ndikim në Europë, vijnë vetëm disa ditë pasi Brukseli nënshkroi një pjesë të re legjislacioni që do ta detyrojë kompanitë e mëdha të kontrollojnë në mënyrë më agresive përmbajtjen në internet.

Në paraqitjen e ofertës së tij për Twitter, Musk nënvizoi planet për të liruar politikat e moderimit të përmbajtjes së platformës së mediave sociale, duke e përshkruar veten si një "absolutist i fjalës së lirë". Politikanët republikanë në SHBA shpresojnë se marrëveshja mund t'i hapë rrugën rikthimit të Donald Trump në Twitter, pasi ish-presidenti u ndalua për shkelje të vazhdueshme të rregullave të tij rreth gjuhës së urrejtjes dhe dezinformimit.

Por, Breton tha se donte të ofronte një "kontroll realiteti" për planet e Musk për një moderim më pak të rreptë. Komisioneri i BE-së, i cili ishte kyç në negocimin e Aktit të ri të Shërbimeve Dixhitale, paralajmëroi se mungesa e pajtueshmërisë nga Twitter rrezikonte një ndalim për platformën në Europë.

“Kushdo që dëshiron të përfitojë nga ky treg do të duhet të përmbushë rregullat tona. Bordi [i Twitter] do të duhet të sigurohet që nëse operon në Europë do të duhet të përmbushë detyrimet, duke përfshirë moderimin, algoritmet e hapura, lirinë e fjalës, transparencën në rregulla, detyrimet për të respektuar rregullat tona për gjuhën e urrejtjes, pornografi dhe ngacmimet”, tha Breton.

“Nëse [Twitter] nuk përputhet me ligjin tonë, ka sanksione – 6 për qind të të ardhurave dhe nëse vazhdojnë, ndalohen të operojnë në Europë”, shtoi ai.

Akti i Shërbimeve Dixhitale i detyron kompanitë si Twitter që t'u zbulojnë rregullatorëve se si po trajtojnë përmbajtje të tilla si dezinformata dhe propaganda e luftës. Rregullat novatore janë pjesë e një shtytjeje më të madhe nga Brukseli për të frenuar fuqinë e platformave të mëdha në internet, duke përfshirë Facebook dhe Google.

Muajin e kaluar, BE-ja zbuloi gjithashtu Aktin e Tregjeve Dixhitale, që synon të frenojë fuqinë e teknologjisë së madhe, duke përfshirë ndalimin e platformave që promovojnë shërbimet e tyre përpara rivalëve.


Në përputhje me standarded JTI

Video

SHIKO KANALIN NE YOUTUBE
×