ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

A po i mungon Europës së “plagosur”, Angela Merkel "die Mutter" i Gjermanisë?!

25 February 2022, 10:17Kosova&Bota SHKRUAR NGA REDAKSIA VOX
A po i mungon Europës së “plagosur”, Angela Merkel
Angela Merkel

Pushtimi rus i Ukrainës po merr përmasa gjithnjë e më tragjike. Në ditën e dytë të bombardimeve, raportohet se forcat ruse janë futur tashmë në kryeqytet, Kiev, teksa forcat ukrainase po luftojnë për të rezistuar, ndërsa autoritetet i kanë bërë thirrje qytetarëve që të armatosen për t'u mbrojtur. 

Ndërkohë Presidenti ukrainas Vlodymyr Zelensky në një konferencë për shtyp bëri me dije se janë vrarë 800 ushtarë rusë. Pas deklaratës së Presidentit amerikan një ditë më parë, Joe Biden, i cili tha se nuk do të futen ushtarakisht në Ukrainë, Zelensky u shpreh se ata janë lënë vetëm, teksa përsëriti thirrjen ndaj Perëndimit për bërë më shumë se sa thjeshtë vendosjen e sanksioneve ekonomike ndaj Rusisë.

Por ajo që po i mungon Europës në këtë momente kritike, për kontinentin e vjetër është “gruaja e hekurt” Angela Merkel.  Kancelarja  gjermane pas largimit të saj duket se po i mungon jo vetëm gjermanëve por Europës dhe botës.

Sot Europës i mungon ndikimi i saj i qetë dhe stabilizues, Merkel  ka qëndruar si "liderja e fortë" e Europës pothuajse që nga marrja e detyrës në vitin 2005 kur George W. Bush ishte president i SHBA, Zhak Shirak në Pallatin Elysee në Paris dhe Toni Blair kryeministri i Anglisë.

E “armatosur” me një doktoraturë në kiminë kuantike, Merkel ka përdorur një qasje pragmatike, zgjidhjen e problemeve ndaj qeverisë për të ndihmuar në lundrimin e Gjermanisë dhe Evropës përmes krizës së zonës së euros, një fluks të madh emigrantësh në 2015 dhe pandeminë COVID-19.

Nën Merkelin, Gjermania u shndërrua nga etiketimi si "i sëmuri i Evropës" në një fuqi ekonomike - megjithëse ajo mbetet thellësisht e ndarë në linjat lindje-perëndim dhe ardhjet më shumë se një milion emigrantë të vitit 2015 nxitën të djathtën ekstreme, duke thyer politikën.

Vajza e një pastori protestant, Merkel u rrit në Gjermaninë Lindore komuniste përpara se të merrte drejtimin e një partie gjermane perëndimore katolike, me shumicë meshkujsh, Unioni Demokristian (CDU).

Për shumë gjermanë të rinj, megjithatë, sukseset e Merkelit janë kryesisht të rrënjosura në të kaluarën dhe ata thonë se ajo nuk ka bërë mjaftueshëm për të adresuar ndryshimet klimatike, për të përmirësuar arsimin ose për ta zhvendosur vendin e saj në epokën dixhitale.

Politikat e Angela Merkel

Politikisht, Merkeli e zhvendosi drejt qendrës partinë e saj, CDU-në, jo drejt ekstremeve politike, siç kanë tendencë të veprojnë partitë sot. Kjo e bëri CDU-në të pranueshme për shtresa të gjera të popullit. Megjithë kritikat për zbehjen e karakterit konservator të partisë, kjo i siguroi CDU-së katër mandate në vazhdimësi, në krye të Gjermanisë.

Merkeli nuk po largohet nga posti, për shkak të ndonjë revolte të CDU-së kundër saj, një fenomen tipik për liderë të tjerë që rrinë gjatë në poste. Kritikët e saj ajo i neutralizoi në kohë dhe i bëri të largohe nga gara. Dorëzimi i postit të kryetares së CDU-së dhe mbajtja vetëm e postit të kancelares, një risi te CDU-ja, e pakësoi dhe më tej presionin ndaj saj.

Në zgjedhjet e fundit parlamentare, Merkeli ishte pika kryesore e referencës së suksesit madje edhe për opozitën. Kancelari i ardhshëm socialdemokrat, Olaf Scholz, nuk i fitoi zgjedhjet me kritika për Merkelin, por si kandidat i vazhdimësisë së maturisë dhe pragmatizmit të saj.

Për detyrat e së ardhmes, në zgjedhjet parlamentare të shtatorit, zgjedhësit gjermanë panë të aftë sërish një koalicion të qendrës, SPD, Të Gjelbrit dhe FDP. Kjo flet për atë që mesi i shoqërisë është ruajtur përgjithësisht i shëndoshë gjatë qeverisjes së Angela Merkelit.

Njëkohësisht, ndërrimi i pushtetit dhe i personelit drejtues me këto zgjedhje parlamentare erdhi në kohën e duhur. Kohët kanë ndryshuar dhe detyrat e shumta që ka Gjermania para vetes, siç janë klima, digjitalizimi, emigrimi, përfitojnë nga fillime të reja.

Stili unik i Merkelit

Një rol për popullaritetin dhe suksesin e Merkelit ka luajtur stili unik i udhëheqjes prej saj.

Angela Merkeli i ka qëndruar deri sot larg arrogancës apo humbjes në pëlqimin e vetvetes. Ajo ka drejtuar pa mëndjemadhësi dhe pa interes për inskenime publike. Merkeli ka mbetur deri në fund e përkushtuar ndaj detyrës, e përqëndruar te problemet konkrete, me vëmendje për detajet.

Në kontaktin me njerëzit, Angela Merkeli ka treguar gjithmonë respekt për personin përballë, pavarësisht nga pozita e tjetrit. Pas një kontakti të tillë njerëzor me të, në Gjermani ka pasur jo pak njerëz, më parë të painteresuar, që kanë votuar për partinë e saj, CDU-në. Ky stil i ri politik është një trashëgimi me vlerë që lë pas Angela Merkeli.

Angela Merkel  po i mungon sot Europës më shumë se kurrë, i mungon komunikimit midis Lindjes dhe Perëndimit, për të cilin Merkeli qe e predestinuar edhe për shkak të origjinës së saj nga Gjermania Lindore.

Ndërsa Gjermania do ta kujtojë epokën Merkel, aftësinë e saj për të menaxhuar krizat dhe mirëqënien e kësaj kohe, si një nga epokat e arta./VoxNews.al


Në përputhje me standarded JTI

Video

SHIKO KANALIN NE YOUTUBE
×