LETËR E HAPME/ Ejani në dialog të më dëgjoni si flas, ndryshe ju preva bursat, ju kalba në burg. Ju lutem!

 Kliko këtu për të tjera
Voxpress:

Arrestohet 51-vjeçari në Tiranë/ Dyshohet se furnizonte protestuesit me lëndë piroteknike të kontrabanduara!

27 October 2026, 14:11Aktualitet SHKRUAR NGA REDAKSIA VOX
Arrestohet 51-vjeçari në Tiranë/ Dyshohet se furnizonte
Tiranë

Policia e Tiranës ka zbuluar një tjetër ambient me lëndë piroteknike të dyshuara si të kontrabanduara, të cilat dyshohet se përdoreshin për furnizimin e personave që merrnin pjesë në protesta. 

Në pranga ka rënë një 51-vjeçar, në kuadër të operacionit “Fireworks 3”, pasi në magazinën që administronte në zonën e “Tregut Çam” u gjetën 1853 fishekzjarre.

Sipas Policisë, i arrestuari me inicialet D. K. nuk dispononte licencë për shitjen e këtyre produkteve dhe as dokumentacion për blerjen e tyre. Mallrat piroteknike janë sekuestruar në cilësinë e provës materiale.

Nga hetimet paraprake dyshohet se 51-vjeçari u ka shitur lëndë piroteknike personave të maskuar, të cilët kanë kryer veprime të dhunshme gjatë protestës së 24 tetorit 2026.

Njoftimi i policisë:

Evidentohet një tjetër ambient ku magazinoheshin lëndë piroteknike të kontrabanduara, me qëllim shitjen pjesëmarrësve në tubime, për kryerje të veprimeve të dhushme.

Operacioni “Fireworks 3”/Kishte magazinuar 1853 fishekzjarre, në ambientin që administronte te “Tregu Çam”, arrestohet 51-vjeçari.
Sekuestrohen mallrat.

Dje, Policia e Tiranës sekuestroi nga një banesë në rrugën “Zela”, 47 pako me fishekzjarre që shiteshin për qëllime të kundërligjshme.
Në kuadër të fazës së tretë të operacionit të koduar “Fireworks”, me objektiv identifikimin dhe ndalimin e shtetasve që furnizojnë pjesëmarrës në tubimet e fundit, me sende të kundërligjshme, me qëllim kryerjen e veprimeve të dhunshme kundër punonjësve të Policisë, si dhe kundër objekteve publike dhe private, specialistët e Seksioni për Hetimin e Krimeve Ekonomiko-Financiare arrestuan në flagrancë shtetasin D. K., 51 vjeç.

Gjatë kontrollit në magazinën që ky shtetas administronte në rrugën “Çamëria”, u gjetën 1853 fishekzjarre. 51-vjeçari nuk dispononte licencë për shitjen e këtyre mallrave dhe as dokumente shoqëruese për blerjen e tyre.

Nga informacionet e siguruara dyshohet se shtetasi i arrestuar iu ka shitur lëndë piroteknike shtetasve të maskuar, autorë të veprimeve të dhunshme, gjatë tubimit të datës 24.10.2026.

Materialet procedurale iu referuan Prokurorisë, për veprime të mëtejshme.


Në përputhje me standarded JTI

Video

SHIKO KANALIN NE YOUTUBE
×